ازىق-تۇلىك ءوندىرۋ ارتادى

0 206

استانانىڭ ازىق-تۇلىك بەلدەۋى قالالىق اكىمدىكتە وتكەن جيىننىڭ باس تاقىرىبى بولدى. ەلوردا اكىمىنىڭ ورىنباسارى قانات سۇلتانبەكوۆ پەن اقمولا وبلىسى اكىمىنىڭ ورىنباسارى قوسمان ايتمۇحانبەتوۆتىڭ قاتىسۋىمەن وتكەن جيىنعا ازىق-تۇلىك تاۋارلارىن شىعارۋمەن اينالىساتىن كاسىپورىندار باسشىلارى قاتىستى. 

استانا ازىق-تۇلىك بەلدەۋىنىڭ راديۋسى 300 كم اۋماقتى قامتىپ وتىر. بۇعان اقمولا وبلىسىنىڭ 17 جانە قاراعاندى وبلىسىنىڭ 4 اۋدانى كىرەدى. بەلدەۋ شەكاراسىن استانانى قوسىپ العاندا ازىق-تۇلىك ءوندىرۋ جانە قايتا وندەۋ سالاسىندا 916 كاسىپورىن جۇمىس ىستەيدى. سونىڭ 270-ءى ورتا كاسىپكەرلىك نىسانى ەكەن.

استانا اكىمىنىڭ ورىنباسارى قانات سۇلتانبەكوۆ ەلوردانىڭ ازىق-تۇلىك بەلدەۋىن دامىتۋ شەڭبەرىندە قالانىڭ 58 نەگىزگى ساۋدا ورىندارىمەن ساۋدا ۇستەمەسى مولشەرىن قولدانۋ جانە ونىمدەردى وتكىزۋ بويىنشا مەموراندۋم جاسالعانىن ايتتى. بۇدان بولەك، 15 850 تونناعا ەسەپتەلگەن 3 كوكونىس قويماسى سالىنىپ، جالپى قۋاتتىلىعى جىلىنا 2500 توننا كوكونىس وندىرەتىن 2 جىلىجاي كەشەنى پايدالانۋعا بەرىلدى. اۋىلشارۋاشىلىق تاۋارلارىن ءون­دى­رۋشىلەر ءۇشىن شاھاردىڭ ساۋدا نۇك­تەلەرىندە رەترو بونۋستار مەن قوسىمشا الىمدار جويىلىپ، بازار­لار­دان ساۋدا ورىندارى بەرىلدى. سون­داي-اق، «بيزنەستىڭ جول كارتاسى-2020» باعدارلاماسى بويىنشا تا­عام وندىرىسىمەن اينالىساتىن 15 كاسىپورىنعا مەملەكەتتىك قولداۋ كور­سە­تىلدى.

قابىلدانعان شارالاردىڭ ءنا­تي­جەسىندە ازىق-تۇلىك بەلدەۋى ايماعىنا الەۋمەتتىك ماڭىزدى ونىمدەر جەتكىزۋ كولەمى جالپى ازىق-تۇلىك تۇتىنۋ كولەمىنەن 35%-عا دەيىن ۇلعايىپ، يمپورت ۇلەسى 2011 جىلعى 72%-دان 2012 جىلى 52%-عا دەيىن قىسقارعان. وسى مالىمەتتەردى تىلگە تيەك ەتكەن قانات تاڭاتارۇلى قابىلدانعان شارالار ازىق-تۇلىك تاۋارلارى ينفلياتسياسىن تومەندەتۋگە مۇمكىندىك بەرەتىنىن مالىمدەدى.

قالالىق اۋىل شارۋاشىلىعى باس­قار­ماسىنىڭ باستىعى مۇرات دا­لا­باەۆتىڭ سوزىنە قاراعاندا، سوڭ­عى­ جىلدارى ازىق-تۇلىك بەلدەۋى اي­ما­عى­نان الەۋمەتتىك ماڭىزدى تا­عام­دار – ەت، ءسۇت جانە كوكونىس جەتكىزۋ كولەمى 35%-عا دەيىن ارتقان. بۇگىندە ازىق-تۇلىك ايماعىنان جەتكىزىلەتىن تاعامدار ەسەبىنەن ەلوردانىڭ: ەتكە 43%، سونىڭ ىشىندە سيىر ەتىنە – 53%، ءسۇت جانە ءسۇت ونىمدەرىنە – 38%، تاۋىق جۇمىرتقاسىنا – 97%، كارتوپقا – 77% جانە كوكونىسكە – 32% قاجەتتىلىگى وتەلەدى.

– الەمدە ازىق-تۇلىك باعاسى ءوسىپ جاتىر. بۇل رەتتە استانا قالاسىنىڭ اكىم­دىگى 2013 جىلعا ماڭىزدى ءمىن­دەت­تەر بەلگىلەپ وتىر. قالاداعى ساۋدا ورىندارى ارقىلى ازىق-تۇلىكتىڭ جەت­كىزىلۋى مەن ساتىلۋ كولەمىن 60%-عا ارتتىرۋ كوزدەلگەن. مۇنىمەن قاتار جالپى ونىمدىلىگى 4 مىڭ توننانى قۇرايتىن تاعى 3 جىلىجاي كەشەنى مەن سىيىمدىلىعى 50 توننالىق 9 كوكونىس قويماسىن سالۋ جوسپارلانىپ وتىر. سونداي-اق، بيىل «قازاگرو» اق بىرلەسىپ، استانا قالاسىندا ءىرى كو­تەرمە-بولشەك ساۋدا بازارىنىڭ قۇ­رىلىسىن باستايمىز. بۇگىندە ازىق­-تۇلىك جەتكىزۋ بويىنشا ساۋاتتى­ لو­گيس­تيكانىڭ بولماۋى ازىق-ءتۇ­لىك­ قاۋىپسىزدىگىن قامتاماسىز ەتۋدە نەگىزگى ماسەلە بولىپ تابىلادى، – دەدى باس­قار­ما باستىعى م.دالاباەۆ.

اينۇر سانابەك

پىكىر جازۋ

پوچتاڭىز جاريالانبايدى

1 × two =