ءازىل-سىقاق سايىسى وتەدى

0 142

استانا دۋمانى كەلۋشىلەرگە كۇلكى دارۋمەنىن دە سىيلاماق. 7 شىلدە كۇنى 19:00-دە بەيبىتشىلىك جانە كەلىسىم سارايىندا ءازىل-سىقاقتان «قالالار ايقاسى» حالىقارالىق جەكپە-جەگى وتەدى.

وسى كۇنى استانا شەكسىز شات كۇلكىنىڭ شاڭىراعىنا اينالادى. قىران-توپان كۇلكىگە باتىراتىن جەكپە-جەك بارىسىندا رەسەي مەن قازاقستاننىڭ تانىمال تەلەۆيزيالىق جوبالارى كورسەتىلەدى. فەستيۆال باعدارلاماسىنا ءازىل-سىقاق باعدارلامالارىنىڭ كوشباسىندا تۇرعان «ماسساعان» جوباسى، «ليتسا ستوليتسى»، «KZلانديا» سكەتچ-شوۋى ەنگىزىلگەن. سونىمەن بىرگە، «ناشا Russia»، «Comedy Club» تەلەجوبالارىنىڭ اۆتورى – سەمەن سلەپاكوۆ، كتك ويىندارى اتىنان «نارتى يز ابحازي» دۋماندى توبى قاتىسادى.

«قالالار ايقاسى» جوباسىنىڭ جۇرگىزۋشىلەرى – كتك جوعارى ليگاسىنىڭ چەمپيونى ەندريۋ ندجوگۋ (ماسكەۋ) جانە ءداۋىت شايحيسلاموۆ.
جاڭا فورماتتاعى بالاماسى جوق ءازىل-سىقاق جەكپە-جەگى العاش رەت ۇيىمداستىرىلماق. كورەرمەندەر كۇندە ەستي بەرمەيتىن ەزۋگە كۇلكى ۇيىرىلتەتىن ەرەكشە تىركەستەر مەن قاعىتپا قالجىڭدارعا قارىق بولمادى.ولاردى تانىمال تۇلعالاردان تۇراتىن قازىلار القاسى باعالايتىن بولادى. جەكپە-جەك جەڭىمپازىنا ەستەلىك سىيلىقتار تابىستالادى.

پىكىر جازۋ

پوچتاڭىز جاريالانبايدى

7 + one =