АУҚЫМДЫ МӘСЕЛЕЛЕР ТАЛҚЫЛАНДЫ

0 125

01

Сейсенбі күні Орталық коммуникациялар қызметі алаңында ҚР Үкіметінің отырысында қаралған мәселелерді түсіндіруге арналған брифинг өтті.

Жиында Экономика және бюд­жет­тік жоспарлау министрі­ Ерболат Досаев қор нары­ғына «KEGOC» компа­ния­­сының ак­ция­­ла­­рын шығару мәсе­лесі жөнінде әңгі­ме­леді. Оның айтуын­ша,Үкімет отырысында «Халықтық IPO» бағ­дар­ла­масын іске асыру мәселесі кеңінен талқыланған. Осыған байланыс­ты ағым­дағы жылы отандық қор нары­ғы­на «KEGOC» АҚ-ның акция­ларын шығару жоспарлануда.

– Ол үшін Үкіметпен осы компания ұсынатын қызметтерге тариф бел­гі­леу саясатын өзгерту бойынша жұмыс жүргізіледі. «KEGOC» ком­­па­­ния­сы мемлекет үшін страте­гия­­лық объект болғандықтан, оған мем­ле­кет­тің бақылауын күшейту үшін қол­да­ныстағы заңнамаға өзгер­ту­лер енгізу бойынша жұмыстар жүр­­гі­­зі­луде. Жуырда «Халықтық IPO» бағ­дар­ла­ма­сында қатысу тәртібі мен шарттары бойынша түсіндіру жұмыстары, былай­ша айтқанда «road-show» қай­та­дан басталатын болады, – дейді ол.

Сонымен қатар, Қазақстан халқы Ассамб­лея­сының XXI сессиясында Президент берген тапсырмаларды жүзеге асыру туралы Мәдениет министрі мен Білім және ғылым министрі мәлімдеді. Белгілі болғандай, Қазақстан халқы ассамблеясы мен Мәдениет министрлігі Достық үйлерін дамыту тұжырымдамасын бекітпек. Жобада Достық үйлерін бейбітшілік пен қоғамдық келісімнің орталығына айналдыру қарастырылған. Мәдениет министрі Арыстанбек Мұхамедиұлы Елбасы тапсырмасына сәйкес Астана қаласы мен Атырау, Жамбыл, Павлодар, Ақтөбе, Ақмола, Қостанай облыс­тарында мамандандырылған Достық үйлері салынатынын жеткізді.
Ал, Білім және ғылым министрі Аслан Сәрінжіпов «Жасыл ел» бағ­дар­­ла­масы бойынша баяндама жасады. Елбасы өзінің Жолдауында жаст­ар­ға жағдай жасау, студенттерге демалыс маусымында тұрғын үй құрылысы жасақтарында жұмыс берудің, елді көгалдандырудың «Жасыл ел» бағдарламасын өрістетіп, оған жастарды қатыстыру мәселесін шешуді тап­сыр­ғаны белгілі. Жиында Еңбек және халықты әлеу­мет­тік қорғау министрі Тамара Дүйсенова көші-қон саласы мәсе­ле­ле­рін, Ауыл шаруашылығы министрі Асылжан Мамытбеков ауыл шаруашылығын қаржыландыру кешені мәселелерін көтерді. Қысқа мазмұндағы баяндамалардан кейін журналистер тарапынан қойылған сауалдарға жауап берілді.

Гүлмира ШАРХАНҚЫЗЫ

 

Пікір жазу

Почтаңыз жарияланбайды

three × five =