«اۋلا كۇنى» قۋانىشتار اكتسياسى

0 116

بيىل استانا قالاسىندا جۇزدەگەن اۋلا جوندەلىپ، تۇرعىنداردىڭ كوز قۋانىشىنا اينالدى. اسفالت توسەلىپ، جارىق باعانالارى، بالالارعا ارنالعان ويىن، سپورت الاڭدارى ورناتىلدى. جوندەلگەن اۋلالاردا ەندى اپتاسىنا بىرنەشە رەت «اۋلا كۇنى» اكتسياسى اياسىندا ۇلان-اسىر دۋمان وتكىزىلۋدە. ونى سارىارقا، الماتى، ەسىل اۋداندارىنىڭ اكىمدىگى استانا قالاسى جاستار ساياساتىن قولداۋ مەملەكەتتىك قورىمەن بىرىگىپ اتقارۋدا. كەشە وسىنداي مەرەكەلىك شارا الماتى اۋدانىندا ءوتتى.


بۇل جولى پەتروۆ كوشەسى 32 -ۇيدە ورنالاسقان اۋلاعا مەرەكەلىك اۆتوكەرۋەن كەلدى. مارجان اراپباەۆا، باۋىرجان يساەۆ، دوس سەكىلدى قازاقستاندىق ەسترادا جۇلدىزدارى، «Bestseller»، «گۇلدەر-اي» بي توپتارى، جاس انشىلەر ءمادينا جاقىپ، ەلدار وماروۆ، ءداستۇر اسىلحان، «Z» تريوسى جينالعان جۇرتشىلىقتىڭ كوڭىلىن كوتەردى.

اۋلا تۇرعىندارى اراسىندا كوڭىلدى مارە، ارقان تارتىس، شاعىن فۋتبول ويىندارى وتكىزىلىپ، سالاۋاتتى ءومىر سالتى ناسيحاتتالدى.

«مەن سەنى سۇيەم، استانا!» اتتى فلەشموب ۇيىمداستىرىلىپ، بەلسەندى جاستار اۋلا تۇرعىندارىن بالەت، حيپ-حوپ جانە باسقا دا سانگە اينالعان بيلەرگە تارتتى. شارانى تاماشالاعان جۇرتقا توسىنسىيلار جاسالدى. ال، نەمقۇرايدىلىق تانىتپاي، ونەرپازدارمەن بىرگە ويناپ-كۇلگەن ەڭ بەلسەندى قاتىسۋشىلارعا ەستەلىك سىيلىقتارمەن بىرگە ماداقتامالار تابىس ەتىلدى.

«اۋلا كۇنى» اكتسياسى وسىمەن تامامدالعانىنا قاراماستان، بۇگىن ءدال وسىنداي مەرەكە ميرزويان كوشەسىندەگى 4-ءۇيدىڭ اۋلاسىندا وتەدى.

امانعالي شميتۇلى

پىكىر جازۋ

پوچتاڭىز جاريالانبايدى

9 + fourteen =