Awla klwbtarı kimge qaraydı?

0 68

Nur-Sultan qalası mäslïhatınıñ zañdılıq, quqıqtıq tärtip jäne qoğammen jumıs mäseleleri jönindegi turaqtı komïssïyasınıñ otırısında elordadağı awla klwbtarın damıtw tujırımdaması jobası talqılandı. Bügingi tañda qalada 21 awla klwbı jumıs isteydi. Mundağı üyirmelerge 3,5 mıñnan asa bala baradı. Alayda awla klwbtarına qatıstı tüytkildi mäseleler az emes.

BİLİM BASQARMASINA BERW USINILDI

Turaqtı komïssïyanıñ otırısında qaladağı awla klwbtarın damıtw tujırımdaması jobası boyınşa atqarılıp jatqan jumıstar twralı Nur-Sultan qalası Qoğamdıq damw isteri basqarması basşısınıñ orınbasarı Jüsip Jumağulov bayandap berdi.
Qazirgi kezde qaladağı awla klwbtarındağı tärbïe­lenwşileriniñ 98 payızı 14 jasqa tolmağan. Olar jastar bolıp sanalmaydı. Sonda da, awla klwbtarı jumısın «Astana jastarı» jastar reswrstıq ortalığı uyımdastırıp otır. Bilim jäne ğılım mïnïstrligi bekitken erejege säykes bul jumıs osınday ortalıqtardıñ mindetine kirmeydi. Sondıqtan awla klwbtarın Bilim basqarmasına berwdi, yağnï orta mektepterdiñ janınan uyımdastırw usınıldı.
Buğan qosa, osı künderi awla klwbtarı jumısında birqatar problemalar anıqtaldı. Bastı mäsele – klwbtardıñ jertölelerde ornalasıp, tïisti sanïtarlıq-epïdemïologïyalıq talaptarğa jawap bermeytindiginde bolıp otır. Üyirme jetekşileriniñ jalaqısı da tömen. Awla klwbtarın awdandarğa bölwde tepe-teñdik te saqtalmağan. Mäselen, Esil awdanında üş klwb qana aşılğan. Al ata-analardıñ tarapınan osınday klwbtardı aşw ötinişteri köptep tüsip jatır.

MEKTEPTERDİÑ MÜMKİNDİGİ JOQ

«Elordanıñ klïmattıq jağ­dayı aşıq alañdarda sportpen jäne basqa sabaqtarmen aynalıswğa mümkindik bermeydi. Awla klwbtarı tapşılığın joyu maq­satında olardı 2020 jıldıñ 1 qañtarınan bastap orta mektepter men kolledjderdiñ sport zaldarı men saltanattardı ötkizw zaldarı bazasında qurwdı josparlap otırmız. Qazir klwbtardı ustawdıñ birıñğay maqsatın anıq­taw­ı­mız kerek. Jattıqtırwşılar men ustazdarda biliktilikterin däleldeytin qujat bolwı tïis. Awla klwbtarı jumısına turaqtı türde jawap beretin organdı da belgilewimiz qajet. Osınıñ bäri köp qarjı salmay-aq qala awmağında awla klwbtarın köbeytwge mümkindik beredi» dedi J.Jumağulov.
Alayda Bilim basqarmasınıñ bul klwbtardı basqarwğa qulşınısı joq. Onıñ da belgili bir sebepteri bar. Atalmış basqarma basşısınıñ mindetin atqarwşı Bağlan Smataeva qalanıñ şet aymaqtarında ornalasqan keybir mektepterde ülken qoğamdıq ortalıqtar aşılğanın aytadı.
Onı qalalıq mäslïhat depwtattarı Ramzïya Ömirbaeva men Zäwre Jüsipova qostadı. Basqa-basqa, osı depwtattar orta mektepterdiñ jağdayın jaqsı biledi, ekewi de – mektep dïrektorları. Olardıñ pikirinşe, qazirgi jağdayda awla klwbtarın mektepterge köşirw mümkin emes. Orta bilim berw orındarınıñ tığızdığı buğan mümkindik bermeydi. Alğaşqısı sonıñ saldarınan özi basşılıq etetin A.Qurmanov atındağı №17 mektep-gïmnazïya­da ïnklyuzïvti sınıp aşa almay otırğanın aytadı. Sport zaldar da keşki sağat 7-8-ge deyin bos bolmaydı. Sebebi osı waqıtqa deyin dene şınıqtırw sabaqtarı ötedi.
Awla klwbtarın damıtw tujırımdaması 2023 jılğa deyingi merzimdi qamtïdı. Qalalıq mäslïhat depwtattarı atalmış qujattı qayta qarap, jetildirw kerek dep esepteydi. Sonday-aq olar «Kïrpïçnıy», «Öndiris», «Şığıs Ïl'ïnka» turğın alaptarında, basqa da osı sïyaqtı şet aymaqtarda osınday klwbtardı aşw kerektigine nazar awdardı.

Bağlan Smataeva,
Nur-Sultan qalası bilim basqarması basşısınıñ mindetin atqarwşı:

– Qazir barlıq mektepterde şığarmaşılıq üyirmeler men sporttıq sekcïyalar jumıs istep jatır. 16 mıñnan astam bala aqısız negizde qosımşa bilim alıp jatır. 7 mıñnan asa jetkinşikke jeñildikter qarastırılğan. Al awla klwbtarına balalar ğana emes, 29 jasqa deyingi jastar da baradı. 18 jastan asqan adamdardı mektepter qamtï almaydı. Onıñ üstine qalada üş awısımmen oqıtatın mektepter äli bar. Sondıqtan awla klwbtarı jumısın üylestirwge bizdiñ şamamız kelmeydi.

BAS QALA BYUDJETİN TALQILAW BASTALDI

Qalalıq mäslïhattıñ turaqtı komïssïyalarında 2020-2022 jıldarğa arnalğan elorda byudjeti jobasın talqılaw bastaldı. Alğaşqılar retinde qala äkiminiñ apparatı, Polïcïya departamenti, Qoğamdıq damw isteri basqarması, Tötenşe jağdaylar departamenti byudjetteri tanıstırıldı.
Strategïyalıq jäne byudjettik josparlaw basqarmasınıñ basşısı Qaysar Mañqaraev bas qala byudjeti burınğıday älewmettik mäselelerdi şeşwge bağıttalğanın aytadı. Oğan eñ tömengi künköris deñgeyiniñ artwı, bilim berw salasın qarjılandırw jäne ärtürli jeñildikterge ïe azamattardı älewmettik qoldaw jumıs­tarınıñ küşeytilwi dälel.
Bayandamaşı depwtattardı osı jıldıñ 9 ayındağı Nur-Sultan qalasınıñ älew­mettik-ekonomïkalıq damw qorıtındılarımen tanıs­tırıp, aldağı üş jılğa arnalğan elorda byudjeti jobasınıñ negizgi parametr­lerin usındı.
Byudjet jobasın talqılaw barısında depwtattar barlıq aytılğan usınıstar men körsetilgen problemalar nazardan tıs qalmay, üş jıldıq byudjetti orındaw barısında şeşiletinine senim bildirdi. Joğarıda körsetilgen byudjettik bağdarlamalar äkimşileri byudjetteriniñ jobaların maquldadı.

«SERGEK» JOBASI TÏİMDİLİGİN DÄLELDEDİ

Elordada İT salasın damıtw jäne qawipsizdikti qamtamasız etw maqsatında eki jıldan beri «Sergek» jobası jüzege asırılwda. Memlekettik jekemenşik äriptes­tik ayasında bastalğan bul joba 13 mıñ beynebaqılaw kamerasın ornatwdı jäne biriktirwdi közdeydi. Buğan qalanıñ 400 jol qïılısında jäne 300 jelilik wçaskelerde aqparattıq-bağdarlamalıq keşenderdi, adamdar köp jïnalatın jerlerde 4 mıñ beynebaqılaw kamerasın ornatıp, özge 3 mıñ osınday kameramen bir jüyege keltirw jumıstarı kiredi. Bul twralı qalalıq mäslïhattıñ köpşilik tıñdawlarında Ïnvestïcïyalar jäne käsipkerlikti damıtw basqarmasınıñ basşısı Erlan Bekmırzaev bayandadı.
«Sergek» jobası eki kezeñge bölingen. Onıñ birinşi kezeñin jüzege asırw ötken jılı ayaqtalıp, beynebaqılaw kameraları qalanıñ kommwnaldıq menşigine berildi. Qazir ekinşi kezeñ jumıstarı boyınşa kameralardı ornatw tolıqtay ayaqtaldı. YAğnï, joba 100 payızğa orındaldı. Sonıñ arqasında elorda joldarı elimizdiñ eñ qawipsiz joldarına aynaldı. 2018 jılı 2017 jılmen salıstırğanda joldağı ölim-jitim eki esege, 60 ölimnen 34-ke azaydı. Bıltır jol-kölik oqïğaları 10 payızğa, jolda jaraqattanw tağı 10 payızğa tömendedi. Osı jıldıñ 9 ayında jolda 23 adam qayğılı qazağa uşıradı. Bul 100 mıñ adamğa eki osınday jağdaydı quraydı. Respwblïka boyınşa jolda qaza tabwdıñ ortaşa körsetkişi – 100 mıñ adamğa 7,2 adam. Almatıda – 5,4 adam jäne Şımkentte – 5,1 adam.
«Sergek» jobası öziniñ tïimdiligin däleldedi» deydi E.Bekmırzaev.

BEYNEBAQILAW KAMERALARI QILMISTARDI AŞWĞA SEPTESTİ

Qalalıq Polïcïya departamenti bastığınıñ orınbasarı Sabır Jüsipbekovtiñ aytwınşa, «Sergektiñ» 6 mıñ kamerası jol erejeleri saqtalwın baqılawdı, 7 mıñı qoğamdıq qawip­sizdikti qamtamasız etwdi közdeydi. Buğan qosa, patrwl'­ge 1000 planşet jäne 50 ekodatçïk berildi. Jıl basınan beri jol erejelerin buzwdıñ 1 mln 2 mıñ oqïğası öñdewden ötti. Bul quqıqbuzwşılıqtıñ jalpı soması 5 mlrd 831 mıñ teñgeni quradı. Sonıñ işinde 3 mlrd 910 mln teñgege ayıppul salındı. Munıñ 3 mlrd 428 mln teñgesi öndirildi.
Buğan qosa, osı jıldıñ 9 ayında «Sergek» jobası 1054 qılmıstı aşwğa mümkindik berdi. Atap aytqanda, 4 kisi öltirwdi, 4 qaraqşılıq oqïğanı, 70 kisi tonawdı, 99 buzaqılıqtı, 341 jeke mülikti zañsız ïelenwdi, 37 kölikti aydap ketwdi aşqan. Biraq qazirgi tañda jol erejelerin buzğanı üşin hattardı jiberwmen problema twındap otır. Burın bul jumıspen Polïcïya departamenti tikeley aynalısatın. Büginderi osı is «Qazpoşta» AQ-na berildi. Al departament osı mekemege 130 mln teñge qarız bolıp qalğan. Sol sebepten atalmış uyım hattardı tasımaldawdan bas tartıp otır.
Mäslïhat depwtattarı mäselege öz közqarastarın bildirdi. Sonıñ biri – Mïras Şekenov Nur-Sultan qalası «Sergek» aqıldı jobası jüzege asırılğan elimizdegi alğaşqı qala ekenin atap ötip, jobağa qatıstı jürgizilgen sawalnama nätïjelerin jarïyaladı. Soğan säykes qala turğındarınıñ 83,8 payızı «Sergekti» qoldaytındıqtarın aytqan.

Pikir jazw

Poçtañız jarïyalanbaydı

two + 6 =