اۋدان اكىمدەرىنە ەسكەرتۋ جاسادى

0 15

اكىمدىكتە التاي كولگىنوۆتىڭ باسشىلىعىمەن قالا مەن اۋلالاردى اباتتاندىرۋ، سانيتارلىق تازالاۋ جانە جولداردى جوندەۋ ماسەلەلەرى تالقىلاندى. قالا اكىمى اۋدان اكىمدىكتەرىندە جاۋاپكەرشىلىكتى ءبىر-بىرىنە سىلتەۋ فاكتىلەرى بار ەكەنىن ايتتى. «سىزدەر اۋدانعا تيەسىلى اۋماقتى جاياۋ ارالاپ، تەكسەرمەيسىزدەر، اۋداندارىڭىزدا قانداي پروبلەما بار ەكەنىن بىلمەيسىزدەر» دەپ اتاپ ءوتتى ول.«مەملەكەتتىك كوميسسيا بىرقاتار كاسىپورىننىڭ جۇمىسىن قايتا باستاۋعا رۇقسات بەردى. اباتتاندىرۋمەن اينالىسۋ قاجەت. قازىر جالپىقالالىق سەنبىلىكتەر ماۋسىمى، بىراق وكىنىشكە قاراي، ءبىز ولاردى وتكىزە المايمىز. قالانى جاياۋ ارالاعان كەزدە جۇمىستارىڭىزعا بىرقاتار ەسكەرتۋ بار ەكەنى انىق كورىنىپ تۇرادى. اۋدانعا تيەسىلى اۋماقتى جاياۋ ارالاۋ كەرەك، سوندا عانا اۋدانداردا قانداي پروبلەما بار ەكەنىن كورەسىزدەر. قارلى قىستان كەيىن تروتۋارلار، پليتالار، قورشاۋلاردى رەتكە كەلتىرۋ قاجەت. قازىر جول جوندەۋ جۇمىستارىنا كىرىسىپ كەتتىك. جۇمىستىڭ ساپاسىن باقىلاۋ كەرەك.
شاعىمنىڭ كوبى الماتى اۋدانىنا تيەسىلى. اۋدان اكىمىنە قىسقا مەرزىم ىشىندە بارلىق كەمشىلىكتى تۇزەتۋدى تاپسىرامىن. بارلىق اۋدان اكىمدەرى اباتتاندىرۋ، كوگالداندىرۋ، ينفراقۇرىلىمدى جوندەۋ ماسەلەلەرىمەن بەلسەندى اينالىسۋى ءتيىس. تۇرعىندارعا دالاعا شىعۋعا رۇقسات بەرىلدى. ولار سەرۋەندەگەن كەزدە سكۆەرلەر مەن اۋلا الاڭدارىنا بارادى، بارلىعى دايىن بولۋى ءتيىس. شارۋاشىلىقتى مۇقيات كۇتىپ ۇستاۋ قاجەت!» دەدى التاي كولگىنوۆ.
«جۇمىسپەن قامتۋدىڭ جول كارتاسى» باعدارلاماسى اياسىندا اۋقىمدى جۇمىستار اتقارىلادى. بيىل ەلوردادا 50-گە جۋىق قوعامدىق ورىن اباتتاندىرىلادى. ونىڭ ىشىندە ساياباقتار، سكۆەرلەر جانە باسقا دا ادام كوپ جينالاتىن ورىندار بار. اباتتاندىرۋ جۇمىستارى 150 اۋلانى قامتيدى.

پىكىر جازۋ

پوچتاڭىز جاريالانبايدى

three × three =