Awa lastağanğa ayıppul artadı

0 25

Qazaqstanda jaña Ekologïyalıq kodekstiñ qabıldanwına baylanıstı awağa tïisti normadan artıq lastawşı zattar şığaratın avtokölikterge salınatın ayıppul mölşeri artadı. Bul atalğan kodekstiñ «lastawşı töleydi» degen prïncïpine säykes keledi.

QR Äkimşilik quqıq buzwşılıq twralı kodeksiniñ 334-babına engizilgen özgeristerge säykes, lastawşı zattardıñ mölşeri belgilengen normatïvterden assa, jeke kölik ïesi – 10 aylıq, zañdı tulğalar 100 aylıq eseptik körsetkiş mölşerinde ayıppul töleydi. Al bul zañ buzwşılıq bir jıl işinde qaytalansa jeke tulğalarğa – 20, zañdı tulğalarğa 200 AEK ayıppul salınadı. Jaña norma şilde ayında küşine enedi. Al äzirge qoldanıstağı zañnamağa säykes jeke tulğalarğa eskertw jasaladı nemese 2 AEK, al tağı qaytalanğan jağdayda 5 AEK qana ayıppul jazıladı.
Nur-Sultan qalasınıñ Jol kartasına säykes, tehnïkalıq bayqaw ortalıqtarına qoyılatın talaptar qatañdatıladı. Burın tehbayqaw pwnktterin aşqısı keletin käsipker ol twralı tek habarlaw­ğa tïis bolsa, endi arnayı ruqsat alwı qajet. Munday ortalıqtarğa birıñğay bağdarlamalıq qamtamasız etw qızmeti de engiziledi. Saqtandırw polïsin alw kezinde tehnïkalıq bayqawdan ötw mindettemesi jükteledi. Sonımen qatar tehbayqaw operatorınıñ qızmetin toqtata otırıp, mindetti tehnïkalıq bayqawdı uyımdastırw jäne ötkizw qağïdaların buzğanı üşin äkimşilik ayıppuldar ulğaytıladı.

Pikir jazw

Poçtañız jarïyalanbaydı

6 + 17 =