اۋا لاستاعانعا ايىپپۇل ارتادى

0 25

قازاقستاندا جاڭا ەكولوگيالىق كودەكستىڭ قابىلدانۋىنا بايلانىستى اۋاعا ءتيىستى نورمادان ارتىق لاستاۋشى زاتتار شىعاراتىن اۆتوكولىكتەرگە سالىناتىن ايىپپۇل مولشەرى ارتادى. بۇل اتالعان كودەكستىڭ «لاستاۋشى تولەيدى» دەگەن پرينتسيپىنە سايكەس كەلەدى.

قر اكىمشىلىك قۇقىق بۇزۋشىلىق تۋرالى كودەكسىنىڭ 334-بابىنا ەنگىزىلگەن وزگەرىستەرگە سايكەس، لاستاۋشى زاتتاردىڭ مولشەرى بەلگiلەنگەن نورماتيۆتەردەن اسسا، جەكە كولىك يەسى – 10 ايلىق، زاڭدى تۇلعالار 100 ايلىق ەسەپتىك كورسەتكىش مولشەرىندە ايىپپۇل تولەيدى. ال بۇل زاڭ بۇزۋشىلىق ءبىر جىل ىشىندە قايتالانسا جەكە تۇلعالارعا – 20, زاڭدى تۇلعالارعا 200 اەك ايىپپۇل سالىنادى. جاڭا نورما شىلدە ايىندا كۇشىنە ەنەدى. ال ازىرگە قولدانىستاعى زاڭناماعا سايكەس جەكە تۇلعالارعا ەسكەرتۋ جاسالادى نەمەسە 2 اەك، ال تاعى قايتالانعان جاعدايدا 5 اەك قانا ايىپپۇل جازىلادى.
نۇر-سۇلتان قالاسىنىڭ جول كارتاسىنا سايكەس، تەحنيكالىق بايقاۋ ورتالىقتارىنا قويىلاتىن تالاپتار قاتاڭداتىلادى. بۇرىن تەحبايقاۋ پۋنكتتەرىن اشقىسى كەلەتىن كاسىپكەر ول تۋرالى تەك حابارلاۋ­عا ءتيىس بولسا، ەندى ارنايى رۇقسات الۋى قاجەت. مۇنداي ورتالىقتارعا بىرىڭعاي باعدارلامالىق قامتاماسىز ەتۋ قىزمەتى دە ەنگىزىلەدى. ساقتاندىرۋ ءپوليسىن الۋ كەزىندە تەحنيكالىق بايقاۋدان ءوتۋ مىندەتتەمەسى جۇكتەلەدى. سونىمەن قاتار تەحبايقاۋ وپەراتورىنىڭ قىزمەتىن توقتاتا وتىرىپ، مىندەتتى تەحنيكالىق بايقاۋدى ۇيىمداستىرۋ جانە وتكىزۋ قاعيدالارىن بۇزعانى ءۇشىن اكىمشىلىك ايىپپۇلدار ۇلعايتىلادى.

پىكىر جازۋ

پوچتاڭىز جاريالانبايدى

twenty − 4 =