ATTESTATTAWDIÑ MAQSATI TÜSİNDİRİLDİ

0 227

Ağımdağı jıldıñ qañtarı-mawsımı aralığında «B» korpwsınıñ memlekettik äkimşilik qızmet­şi­leriniñ keşendi attestattawı ötedi. Osığan oray keşe QR Memlekettik qızmet jäne sıbay­las jemqorlıqqa qarsı is-qïmıl agenttiginiñ Astana qalası boyınşa departamentiniñ uyımdastırwımen osı şarağa arnalğan semïnar ötti.

dsc_0570

Atalmış departament basşısı-Ädep jönindegi keñes törağası Tilegen Qaskïn attestattawdıñ maqsatın semïnar qatıswşılarına tüsindirip ötti.
«Qazaqstan Prezïdenti Nursultan Nazarbaev «100 naqtı qadam» Ult josparında otız damığan memlekettiñ qatarınan tabılw mejesin belgiledi. Osı jolda alğaşqı reforma retinde käsibï memlekettik apparatı qurw qajet­tigine nazar awdardı. Reformanıñ eñ bastı maqsatı – memlekettik qızmet körsetw sapasın arttırwğa, memlekettik qızmetşileriniñ jumıs nätïjeligin köterwge bağıttaladı. Memlekettik qız­metke nağız käsibï mamandar turw kerek. Sebebi, olar Elbası usınğan sayasattı äri qaray alıp ketwi tïis. Barlıq jasalıp jatqan reformalardıñ tabıstılığı memlekettik qızmetşilerdiñ jumısına tikeley baylanıstı» dedi Tilegen Tölegenulı.
Jalpı keşendi attestattaw eki satıdan turadı. Alğaşqı satıda «B» korpwsınıñ memlekettik äkimşilik qızmetşileriniñ quzıretin bağalaw jäne memlekettik qızmet qundılıqtarın ustanw deñgeyin anıqtaw maqsatında komp'yuterlik testilew bağdarlamaları ötkiziledi. Ekinşi satıda attestattaw komïssïyası äñgimelesw jürgizedi. Sonıñ qorıtındısında lawazımğa tağayındaw, qızmetin tömendetw nemese joğarılatw, qızmetten bosatw jöninde şeşimder şığarıladı. Semïnar barısında attestattaw kestesiniñ jobası usınılıp, memlekettik organdar ökilderine attestattawdı ötkizwge qajet qujattardı dayındap, jiberw usınıldı.

Amanğalï QALJANOV

Pikir jazw

Poçtañız jarïyalanbaydı

2 × 2 =