اتتەستاتتاۋدىڭ ماقساتى ءتۇسىندىرىلدى

0 228

اعىمداعى جىلدىڭ قاڭتارى-ماۋسىمى ارالىعىندا «ب» كورپۋسىنىڭ مەملەكەتتىك اكىمشىلىك قىزمەت­شى­لەرىنىڭ كەشەندى اتتەستاتتاۋى وتەدى. وسىعان وراي كەشە قر مەملەكەتتىك قىزمەت جانە سىباي­لاس جەمقورلىققا قارسى ءىس-قيمىل اگەنتتىگىنىڭ استانا قالاسى بويىنشا دەپارتامەنتىنىڭ ۇيىمداستىرۋىمەن وسى شاراعا ارنالعان سەمينار ءوتتى.

dsc_0570

اتالمىش دەپارتامەنت باسشىسى-ادەپ جونىندەگى كەڭەس توراعاسى تىلەگەن قاسكين اتتەستاتتاۋدىڭ ماقساتىن سەمينار قاتىسۋشىلارىنا ءتۇسىندىرىپ ءوتتى.
«قازاقستان پرەزيدەنتى نۇرسۇلتان نازارباەۆ «100 ناقتى قادام» ۇلت جوسپارىندا وتىز دامىعان مەملەكەتتىڭ قاتارىنان تابىلۋ مەجەسىن بەلگىلەدى. وسى جولدا العاشقى رەفورما رەتىندە كاسىبي مەملەكەتتىك اپپاراتى قۇرۋ قاجەت­تىگىنە نازار اۋداردى. رەفورمانىڭ ەڭ باستى ماقساتى – مەملەكەتتىك قىزمەت كورسەتۋ ساپاسىن ارتتىرۋعا، مەملەكەتتىك قىزمەتشىلەرىنىڭ جۇمىس ناتيجەلىگىن كوتەرۋگە باعىتتالادى. مەملەكەتتىك قىز­مەتكە ناعىز كاسىبي ماماندار تۇرۋ كەرەك. سەبەبى، ولار ەلباسى ۇسىنعان ساياساتتى ءارى قاراي الىپ كەتۋى ءتيىس. بارلىق جاسالىپ جاتقان رەفورمالاردىڭ تابىستىلىعى مەملەكەتتىك قىزمەتشىلەردىڭ جۇمىسىنا تىكەلەي بايلانىستى» دەدى تىلەگەن تولەگەنۇلى.
جالپى كەشەندى اتتەستاتتاۋ ەكى ساتىدان تۇرادى. العاشقى ساتىدا «ب» كورپۋسىنىڭ مەملەكەتتىك اكىمشىلىك قىزمەتشىلەرىنىڭ قۇزىرەتىن باعالاۋ جانە مەملەكەتتىك قىزمەت قۇندىلىقتارىن ۇستانۋ دەڭگەيىن انىقتاۋ ماقساتىندا كومپيۋتەرلىك تەستىلەۋ باعدارلامالارى وتكىزىلەدى. ەكىنشى ساتىدا اتتەستاتتاۋ كوميسسياسى اڭگىمەلەسۋ جۇرگىزەدى. سونىڭ قورىتىندىسىندا لاۋازىمعا تاعايىنداۋ، قىزمەتىن تومەندەتۋ نەمەسە جوعارىلاتۋ، قىزمەتتەن بوساتۋ جونىندە شەشىمدەر شىعارىلادى. سەمينار بارىسىندا اتتەستاتتاۋ كەستەسىنىڭ جوباسى ۇسىنىلىپ، مەملەكەتتىك ورگاندار وكىلدەرىنە اتتەستاتتاۋدى وتكىزۋگە قاجەت قۇجاتتاردى دايىنداپ، جىبەرۋ ۇسىنىلدى.

امانعالي قالجانوۆ

پىكىر جازۋ

پوچتاڭىز جاريالانبايدى

4 × 1 =