Astananıñ qurılıs salasında qayğılı jağdaylar jïilep ketti.

0 92

Jumısşılardıñ qawipsizdigin qalay küşeytken jön?

Barat Duzaqbaev, Astana qalası Tötenşe jağdaylar departamenti basşısınıñ orınbasarı:
– Elordada soñğı altı ay işinde qurılıs jäne jöndew jumıstarı kezinde 33 qayğılı oqïğa tirkeldi. Tört adam qaza boldı. 29 azamat türli deñgeyde jaraqattandı. Meniñ oyımşa, är adam öz ömirine jawapkerşilikpen qarağan jön. Öytkeni, tötenşe jağdaylar qawipsizdik şaraların saqtamağandıqtan boladı.

Rïnat Amanğulov, ekonomïst:
– Qurılısta arnawlı bilimi joq jumısşılar köp. Olardı därigerdiñ ruqsat qağazınsız da qabılday beredi. Eñbekti qorğaytın nusqawdıñ joqtığı bılay tursın, qurılısşılar arnawlı kïim kïmey jumıs isteydi. Sondıqtan, eñbek qawipsizdigin qorğaytın memlekettik ïnspektorlar jeke jäne zañdı tulğalardı jïi tekserip, äkimşilik jawapkerşilikti küşeytse eken.

Sündet Aytöreev, qurılısşı:
– Astanada tehnïka jäne eñbek qawipsizdigin durıs saqtamaytın qurılıs kompanïyaları bar. Degenmen, jumısşılardıñ özderi qawipsizdik erejelerin elemeydi. Mäselen, strop arqandı taqpay-aq nemese kelesi qabatqa köterilw üşin tereze arqılı şığıp ketetin jağdaylar kezdesedi. Soñı kisi ölimine äkeledi. Adam tağdırı oyınşıq emes. Ärbir qulağan azamattıñ artında jarı, bala-şağası qaladı. Ärïne, kez kelgen nısan memleket tarapınan baqılawğa alınğanı jaqsı.

Gülmïra AYMAĞANBET

Pikir jazw

Poçtañız jarïyalanbaydı

5 + 10 =