استانانىڭ قۇرىلىس سالاسىندا قايعىلى جاعدايلار جيىلەپ كەتتى.

0 92

جۇمىسشىلاردىڭ قاۋىپسىزدىگىن قالاي كۇشەيتكەن ءجون؟

بارات دۇزاقباەۆ، استانا قالاسى توتەنشە جاعدايلار دەپارتامەنتى باسشىسىنىڭ ورىنباسارى:
– ەلوردادا سوڭعى التى اي ىشىندە قۇرىلىس جانە جوندەۋ جۇمىستارى كەزىندە 33 قايعىلى وقيعا تىركەلدى. ءتورت ادام قازا بولدى. 29 ازامات ءتۇرلى دەڭگەيدە جاراقاتتاندى. مەنىڭ ويىمشا، ءار ادام ءوز ومىرىنە جاۋاپكەرشىلىكپەن قاراعان ءجون. ويتكەنى، توتەنشە جاعدايلار قاۋىپسىزدىك شارالارىن ساقتاماعاندىقتان بولادى.

رينات امانعۇلوۆ، ەكونوميست:
– قۇرىلىستا ارناۋلى ءبىلىمى جوق جۇمىسشىلار كوپ. ولاردى دارىگەردىڭ رۇقسات قاعازىنسىز دا قابىلداي بەرەدى. ەڭبەكتى قورعايتىن نۇسقاۋدىڭ جوقتىعى بىلاي تۇرسىن، قۇرىلىسشىلار ارناۋلى كيىم كيمەي جۇمىس ىستەيدى. سوندىقتان، ەڭبەك قاۋىپسىزدىگىن قورعايتىن مەملەكەتتىك ينسپەكتورلار جەكە جانە زاڭدى تۇلعالاردى ءجيى تەكسەرىپ، اكىمشىلىك جاۋاپكەرشىلىكتى كۇشەيتسە ەكەن.

سۇندەت ايتورەەۆ، قۇرىلىسشى:
– استانادا تەحنيكا جانە ەڭبەك قاۋىپسىزدىگىن دۇرىس ساقتامايتىن قۇرىلىس كومپانيالارى بار. دەگەنمەن، جۇمىسشىلاردىڭ وزدەرى قاۋىپسىزدىك ەرەجەلەرىن ەلەمەيدى. ماسەلەن، ستروپ ارقاندى تاقپاي-اق نەمەسە كەلەسى قاباتقا كوتەرىلۋ ءۇشىن تەرەزە ارقىلى شىعىپ كەتەتىن جاعدايلار كەزدەسەدى. سوڭى كىسى ولىمىنە اكەلەدى. ادام تاعدىرى ويىنشىق ەمەس. ءاربىر قۇلاعان ازاماتتىڭ ارتىندا جارى، بالا-شاعاسى قالادى. ارينە، كەز كەلگەن نىسان مەملەكەت تاراپىنان باقىلاۋعا الىنعانى جاقسى.

گۇلميرا ايماعانبەت

پىكىر جازۋ

پوچتاڭىز جاريالانبايدى

seven + 4 =