Astanağa än-tartw

0 218

«Arman qala – Astana» (Marat Omarov), «Elimniñ jüregi – Astana» (Altınay Jorabaeva), «Esil ağadı» (MwzArt ansambli). Astana astana atanğalı el arasında tanımal osınday änder payda boldı. Budan basqa da elordağa arnalıp sätti, sätsiz şıqqan twındılar bar. Osılardıñ jalğası ispetti jaqında «Astana» degen qarapayım atawdı alğan än dünïege keldi. Ol tıñdarmannıñ talğamınan şığadı ma, şıqpaydı ma, bolaşaqtıñ enşisinde, aytpağımız, än avtorı Jalın Ğalım da, orındawşısı Lwïza Kärinbaeva da önerge talası bar jas bwın ökilderi.

Lwïzanıñ (sahnalıq esimi Luina) än kögine qanat qaqqanına eki jıldan astı. H-faktor mwzıkalıq bayqawına qatısıp, jartılay fïnalğa deyin jetken onı «National Development Group» prodyuserlik ortalığınıñ negizin qalawşı Jomart Süleymenov bayqap, änşimen kelisimşartqa otırdı. Sodan beri bul ekewi birge jumıs istep keledi.

Luina – Lwïzanıñ özge änşilerden bir erekşeligi – qay koncertte bolmasın jandı dawısta än orındawı. Ol üşin soñınan erip jüretin arnayı mwzıkanttardı jaldağan. Kelesi ayda astanalıqtar olardı körip qalwı da mümkin. Sebebi, «Sarıarqa» velotreginde ötetin «Asqaqtay ber, Astana!» merekelik gala-koncertine Luina da qatıspaq. Sol jerde joğarıda atı atalğan änniñ de tusawı kesilmek. Prodyuserdiñ aytwınşa, ol än Astananıñ 15 jıldığına jaqsı tartw bolmaq. Sol waqıtta änge beynebayan da tüsirilmek. Oğan elordanıñ körikti jerleri enwi tïis.

Asa şıdamsız jurt ändi qazirdiñ özinde tıñday aladı. Öytkeni, bul twındı otandıq radïolarda aynalımda jür.

Amanğalï QALJANOV

Pikir jazw

Poçtañız jarïyalanbaydı

five × two =