استاناعا ءان-تارتۋ

0 218

«ارمان قالا – استانا» (مارات وماروۆ), «ەلىمنىڭ جۇرەگى – استانا» (التىناي جوراباەۆا), «ەسىل اعادى» (مۋزارت ءانسامبلى). استانا استانا اتانعالى ەل اراسىندا تانىمال وسىنداي اندەر پايدا بولدى. بۇدان باسقا دا ەلورداعا ارنالىپ ءساتتى، ءساتسىز شىققان تۋىندىلار بار. وسىلاردىڭ جالعاسى ىسپەتتى جاقىندا «استانا» دەگەن قاراپايىم اتاۋدى العان ءان دۇنيەگە كەلدى. ول تىڭدارماننىڭ تالعامىنان شىعادى ما، شىقپايدى ما، بولاشاقتىڭ ەنشىسىندە، ايتپاعىمىز، ءان اۆتورى جالىن عالىم دا، ورىنداۋشىسى لۋيزا كارىنباەۆا دا ونەرگە تالاسى بار جاس بۋىن وكىلدەرى.

لۋيزانىڭ (ساحنالىق ەسىمى Luina) ءان كوگىنە قانات قاققانىنا ەكى جىلدان استى. ح-فاكتور مۋزىكالىق بايقاۋىنا قاتىسىپ، جارتىلاي فينالعا دەيىن جەتكەن ونى «National Development Group» پروديۋسەرلىك ورتالىعىنىڭ نەگىزىن قالاۋشى جومارت سۇلەيمەنوۆ بايقاپ، انشىمەن كەلىسىمشارتقا وتىردى. سودان بەرى بۇل ەكەۋى بىرگە جۇمىس ىستەپ كەلەدى.

Luina – لۋيزانىڭ وزگە انشىلەردەن ءبىر ەرەكشەلىگى – قاي كونتسەرتتە بولماسىن جاندى داۋىستا ءان ورىنداۋى. ول ءۇشىن سوڭىنان ەرىپ جۇرەتىن ارنايى مۋزىكانتتاردى جالداعان. كەلەسى ايدا استانالىقتار ولاردى كورىپ قالۋى دا مۇمكىن. سەبەبى، «سارىارقا» ۆەلوترەگىندە وتەتىن «اسقاقتاي بەر، استانا!» مەرەكەلىك گالا-كونتسەرتىنە Luina دا قاتىسپاق. سول جەردە جوعارىدا اتى اتالعان ءاننىڭ دە تۇساۋى كەسىلمەك. پروديۋسەردىڭ ايتۋىنشا، ول ءان استانانىڭ 15 جىلدىعىنا جاقسى تارتۋ بولماق. سول ۋاقىتتا انگە بەينەبايان دا تۇسىرىلمەك. وعان ەلوردانىڭ كورىكتى جەرلەرى ەنۋى ءتيىس.

اسا شىدامسىز جۇرت ءاندى قازىردىڭ وزىندە تىڭداي الادى. ويتكەنى، بۇل تۋىندى وتاندىق راديولاردا اينالىمدا ءجۇر.

امانعالي قالجانوۆ

پىكىر جازۋ

پوچتاڭىز جاريالانبايدى

1 × 4 =