Astana twrïzmi äli de aqsap tur

0 207

Twrïzmniñ körigin qız­dırwğa boladı eken, täjirïbe joq emes, bar. EKSPO-2017 halıq­aralıq körmesi kezinde, qazaqstandıqtardıñ taylı-tayağı qalmay Astananı bir körwge asıqqan edi ğoy. Äwejaydan da, temirjol vokzaldarınan da ağılıp kelip jatqan jurtqa qarap, osınday deñgeyde twrïzmdi damıtwğa boladı eken-aw dep tañ qaldıq.

Bıltırğı jazdıñ aptabı artta qaldı, qala köşeleri bıltır­ğıday emes bosap qalğanday. Şet tilde söylegenderdi sïrek kezdes­tiremiz. Bäyterektiñ aynalası keyde adamğa tolıp qaladı. Jaylı avtobwstardan tüsip jatqandarğa qarap Bwrabaydan kelgen türlerin bayqaymız. «Astanağa ağılğan jurttıñ ayağı nege sayabırsıp qaldı?» degen suraqtı Astanalıq twrïzm qawımdas­tığınıñ prezïdenti Äygerim Muhamedjanovağa qoyğan edik.
– Bıltırğıday emes ärïne, degenmen elordağa twrïster kelip jatır. Sayahatşılardı qarsı alıp, şığarıp salwğa bar kü­şimizdi salıp jürmiz. Biraq ta, Astana twrïzminiñ damwına kedergi keltiretin mäseleler joq emes. Sonıñ bastısı, gïdtiñ, qalanı aralatıp körikti jerin körsetip, ötkeni men ketkenin äserli jetkizetin mamandardıñ märtebesi anıqtalmağan. Olardıñ twrïzmniñ bastı belgisi äri bedeli ekenin eşkim eskermeydi. Şın mäninde şeteldik twrïst üşin gïd – barğan elindegi eñ ja­qın twısı, aqılşı jol bas­­tawşısı. Onı qurmettep, qızmetin joğarı bağalaydı. Al bizde şe?! Gïd-mamandardıñ jılap kelgenine talay kwä boldıq. Onıñ bir mısalın aytayın. Qaladağı murajayğa twrïst ertip barıp, elimizdiñ bastı rämizi twımız twralı surağanğa tüsindirip jatqanda, esiktiñ janında otır­ğan küzetşi gïdtiñ jağasınan alıp, böten jurttıñ közinşe sögip, ıñğaysız jağdayğa qaldır­ğanı bar. Nege degende öz qız­metkerlerinen basqa eşkimniñ tüsindirwge quqısı joq eken. Al mamandarıñ qayda degende şet tilin biletin eşkim bolmaptı.
Astana – meyramhanadan kende emes. Dese de twrïsterdiñ asığıs tüstenip, keşki asın jıldam işwge layıqtalğan orındar joq­tıñ qası. Ewropalıqtardıñ köbi vegetarïandıqtar, keybiri halal suraydı, olardıñ qala­wınşa asqa tapsırıs berw jağınan da osal tustarımız bar. Ayta ketelik, 40 adamdı er­tip alğan gïd meyramhanağa tüs­tenwge aparsın delik. Olar mey­­ram­hananıñ tärtibi boyınşa ül­ken porcïya­lı tamaq alıp işwge mäjbür. Ol astıñ jartısı jelinbey qaladı. Soğan qaramastan aqşasın tölep, eki sağat waqıtı tüstenw­ge ketedi. Şetelderde twrïs­terge arnalğan asığıs as işip, jeñil tüstenetin meyramhanalar jetkilikti.
Tağı da aytatın jayt, twrïs­ter keşkilik asıqpay otırıp, keyde sırası ne şarabın sızıltıp işip şarşağanın basıp (mädenïeti ğoy), eldiñ etnïkalıq mädenï murasımen tanısıp, erekşelikterin bilgisi keledi. Twrïster baratın jerlerde bul eskerilmegen. Özge jurtqa belgili qızmet bolğan soñ, bizderde şeteldik qonaqtarımızdıñ ötinişin orındağımız keledi. Onday jağdayda meyramhananıñ bir zalın jalğa alıp, ärtis­terdi şaqırıp älek bolamız. Meyramhana bolğan soñ as mäzirine tapsırıs berw kerek, önerin körsetkenderge tağı aqısın töleymiz, sonımen özimizdi, önerimizdi tanıtw qımbatqa, ärtis izdep äbigerşilikke tüsip jatadı. Twrïzmi damığan elde qalay? Olar jay ğana swsının işip, azdap tiske basatının alıp jaylı orınğa jayğasıp, barğan eliniñ mädenïetin tamaşalap, äserin alıp qaytadı. Qanşa tırıssaq ta, asa qajet twrïzmniñ osı qız­metin jandandıra almay jür­miz. Ülken koncert zaldarına aparwğa boladı, biraq bul basqa jağday.
Elimizge kelgen qonaqtı avtobwspen alıp jüremiz. Twrïs­tik avtobwstarğa arnalğan tu­raq­tıñ standartı bekitildi. Biraq köliktiñ türi, köleminiñ mölşeri anıqtalıp, bekitilmegen. Sol sebepti qalanıñ körikti jerle­riniñ turağına toqtağanımızda kölikti qayda qoyarımız­dı, qanday bağa töleytinimizdi bilmey qïnalmız. Osılayşa jartılay bitken şarwa da diñkeletip tur.
Astana twrïzminiñ bir tınısı Qorğaljın tabïğï parkiniñ dañqın äsirese ewropalıqtar jaqsı biledi jäne oğan barğısı keledi. Bwrabay da körikti tabïğatımen qonaqtarımızdı qızıqtıradı. Alayda ol jer­lerdi äli de bolsa twrïzmge tartımdı etwge bolar edi. Astananıñ töñireginde Bozoq bar dep jatamız. Ökinişke qaray, onı twrïstik bağıtqa aynaldırıp, tartımdı etw üşin köp jumıs­tar jasaw kerek. Qazılğan topıraqtıñ üyindisimen eşkimdi tañ qaldıra almaymız.
Astananıñ on şaqtı qonaq­üyiniñ bosağasındağı arnaw­lı jerde jarnamalıq dünïele­ri­mizdi aparıp qoydıq. Nätï­je­siz emes, sol arqılı qala qo­naq­tarı waqıtın bölip, aqırı jol tüsken soñ, elordanıñ kö­rikti jerlerin bir körip ketwge ıntalı boladı. Bul – bizdiñ qawımdas­tıqtıñ ğana jumısı. Al eger mem­lekettik deñgeyde elimizdegi bar jawharlardı jarnamalay alsaq, onda twrïzm salasınıñ kem-ketigin toltırıp, onıñ damwına dañğıl jol salar edik.

Pikir jazw

Poçtañız jarïyalanbaydı

one × five =