АСТАНА ӘКІМІ АТКИНСОН ӘУЛЕТІМЕН КЕЗДЕСТІ

0 149

ХІХ ғасырда Қазақстанды зерттеген ағылшын саяхатшысы Томас Аткинсонның ұрпақтары Астанаға ат басын тіреді. Сапар барысында қонақтар елорда әкімі Әсет Исекешевпен кездесті, деп хабарлайды Астана қаласының баспасөз қызметі.

f33dd9375920e60f790ffde9efc

Елорда әкімі саяхаттың биыл тәуел­сіздігінің 25 жылдығын атап өтетін Қазақстанның жаңа тарихының нышаны, еліміздің бас қаласы – Астанадан басталуының символикалық мәні бар екендігін атап өтті. Қала басшысы шаһардың сәулетіне тоқталып, «ЭКСПО-2017» халықаралық маман­дандырылған көрмесіне дайындық, сондай-ақ, қазіргі заманғы Қазақстандағы «жаңа Аткинсондарды» еліктіретін жайттар туралы айтып берді.
Кездесу барысында елорда әкіміне «Оңтүстікке Ұлы далаға. 1847-1852 жж. Томас пен Люси Аткинсондардың Шы­ғыс Қазақстанға саяхаты» кітабының авторы Ник Филдинг қолы қойылған өз еңбегін табыстады. Өз кезегінде Ә.Исекешев «Бұл кітаптың арқасында қазақстандықтардың жаңа буыны, сондай-ақ, әлемдік қоғамдастық қазақ халқының сол замандағы бай тарихымен таныса алады» деп, қонақтарға алғысын білдірді.

b7ddb17f8a3daa3f4b8eafc407e
Ағылшын саяхатшылары Томас пен Люси Аткинсондар – Орталық Азия мен Сібірде басқа еуропалықтарға дейін саяхаттаған ХІХ ғасырдың танымал зерттеушілері. Олардың еңбектері – қазақ жерлері патшалық Ресейдің қарауына өткенге дейінгі кезеңдегі көшпенділердің тыныс-тіршілігі туралы бірегей жазбалар. Шетелдіктердің елімізге саяхаты 10 күнге жалғасады. Делегация Алматы қаласына соғып, Қапал ауылындағы «Тамшыбұлақта» ескерткіш мемориал орнатады. Сонымен қатар, қонақтар Сарқан және Талдықорған, Жаркент пен Шонжы қалаларында мәдени бағдарламаларды тамашалайды.

Орынбек ӨТЕМҰРАТ

Пікір жазу

Почтаңыз жарияланбайды

four × two =