اسسامبلەيا ينۆەستيتسيا تارتۋعا اتسالىسادى

0 102

اسسام

18 ساۋىردە استانادا قازاقستان حالقى اسسامبلەياسىنىڭ XXI سەسسياس­ى وتەدى. وسىعان وراي، كەشە ورتالىق كوممۋني­كاتسيالار­ قىزمەتىنىڭ بريفينگىنە كەلگەن اسسامبلەيا اتىنان پارلامەنت ءماجى­لى­سىنە سايلانعان دەپۋتاتتار­ سەسسيانىڭ ماقسات-مىندەتتەرىنە توقتالىپ، وزدە­رى­نىڭ وسى كۇندەرگە دەيىن اتقارعان ىستەرى ءجونىن­دە باياندادى.

الدىمەن ءسوز العان قازاقستان حالقى اسسامبلەياسى توراعاسىنىڭ ورىنباسارى – حاتشىلىق مەڭگەرۋشىسى ەرالى توعجانوۆ بارشانى ناۋ­رىز مەرەكەسىمەن قۇتتىقتاپ، باق-بەرەكە تىلەدى. وسىنىڭ الدىنداعى سەسسيادا قازاق­ستاننىڭ 2020 جىلعا دەيىنگى دامۋ سترا­تە­گياسى قابىلدانعانىن ەسكە سالدى. اسسام­بلەيا­نىڭ نەگىزگى ماقساتى – مەملەكەت باسشىسى نۇرسۇلتان نازارباەۆتىڭ تاپسىرمالارىن ورىنداپ، قوعامدىق كەلىسىمدى نىعايتۋ ەكەنىن ايتقان ول، ۇيىمنىڭ الداعى 20 جىلدىق مەرەيتويىنا قىزۋ دايىندىق باستالعانىن جەتكىزدى.

ونىڭ ايتۋىنشا، قوعامدىق كەلىسىمدى نىعايتۋ ءىسى اسىرەسە ەل ايماقتارىندا بەلسەندى جۇرگىزىلەدى. ول ءۇشىن ءار وڭىردەگى دوستىق ۇيلەرىنىڭ جۇمىسىن دامىتۋ تۇجىرىمداماسى دايىندالعان. سونداي-اق، اسسامبلەيا ايماقتارعا ينۆەستيتسيا تارتۋ ىسىنە ءوز ۇلەسىن قوسپاق ەكەن. «بۇگىن شىعىس قازاقستان وبلىسىنىڭ اكىمىمەن كەلىسىمگە كەلدىك. سول وبلىسقا وڭتۇستىك كورەيادان ينۆەستيتسيا تارتپاقپىز. ءبىزدىڭ ماقساتىمىز – سول ەلدىڭ قارجىسىن قازاقستاننىڭ ەكونوميكاسىنا جۇمىس ىستەتۋ. سول ءۇشىن قازاقستانداعى كورەيلەردىڭ ەتنومادەني بىرلەستىگىنىڭ جەتەكشىسى رومان كيم 2 اپتا بويى شىعىس قازاقستاندا بولادى» دەدى ول جونىندە ەرالى لۇقپانۇلى.

بولاشاقتا اسسامبلەيا گەرمانيادان دا ينۆەس­تيتسيا تارتۋى مۇمكىن. توراعا ورىنباسارىنىڭ سوزىنشە، ول جاققا كوشىپ كەتكەن قازاقستان تۋمالارىمەن تىعىز بايلانىس ورناعان. ونىڭ ءسوزىن تولىقتىرا كەتكەن ەگور كاپپەل تاريحي وتاندارىنا ورالعان قانداستارىمەن ءجيى ارالاساتىنىن، ولار قازاقستاندى ساعىناتىندارىن ايتتى. ءتىپتى، كەيىنگى 2 جىل ىشىندە 3 مىڭ نەمىس ەلىمىزگە قايتا ورالعان ەكەن.

اسسامبلەيادان سايلانعان تاعى ءبىر دەپۋتات احمەت مۇرادوۆ پوستكەڭەستىك ەلدەر دە قازاقستان ۇلگىسىنە قاراپ، اسسامبلەياعا ۇقساس ۇيىمدار قۇرعانىن، الايدا، ول ۇيىمدار ەلىمىزدەگىدەي جۇيەلى جۇمىس ىستەمەيتىنىن جەتكىزدى.

زۋحرا ساياپوۆا اسسامبلەيانى «تۇراقتىلىق ارالى» دەپ اتاسا، ونىڭ ءسوزىن ورتالىق كوممۋنيكاتسيالار قىزمەتىنىڭ رەسمي وكىلى التاي ابيبۋللاەۆ «تۇراقتىلىقتى ەكسپورتتاۋشى» دەپ دامىتا ءتۇستى.

نادەجدا پەتۋحوۆا ەلىمىزدەگى بىرلىك ماسە­لەسىن جوعارى باعالادى. ەرالى توعجانوۆ «حال­قى­مىز ىشكى رۋحاني كەلىسىمنەن ايىرىلماسا، الماس قامالىمىز بولمايدى» دەپ بريفينگتى قورى­تىن­دىلادى.

امانعالي شميتۇلى

 

پىكىر جازۋ

پوچتاڭىز جاريالانبايدى

13 + 11 =