«Ashyq»-تىڭ ارتىقشىلىعى نەدە؟

0 26

نۇر-سۇلتان قالاسىنىڭ اكىمدىگى مەن ەلوردالىق «اتامەكەن» كاسىپكەرلەر پالاتاسى بىرلەسە كاسىپكەرلىك سۋبەكتىلەرىن ارالاپ، «Ashyq» ءموبيلدى قوسىمشاسىن پايدالانۋدى ءتۇسىندىرۋ بويىنشا ءباسپاسوز تۋرىن ۇيىمداستىردى.

«Ashyq» قاناتقاقتى جوباسىن جۇزەگە اسىرۋ ەلوردادا ۇستىمىزدەگى جىلدىڭ 17 قاڭتارىندا باستالدى. جاڭا جوبا الدىمەن فيتنەس ورتالىقتار، سپا ورتالىقتار، ساۋنالار مەن باسسەيندەردە ەنگىزىلدى. ياعني كليەنتتەردىڭ قوسىمشانى جۇكتەۋ جانە QR-كود بويىنشا سايكەستەندىرۋ بويىنشا مىندەتتەمەلەردى ورىنداۋىن قامتاماسىز ەتەتىن رەسەپشن جۇمىس ىستەيتىن نىساندار تاڭدالدى.
– «Ashyq» ءموبيلدى قوسىمشاسى جۇمىس ىستەۋىمىزگە ۇلكەن مۇمكىندىك بەرەدى. ادامدار سپورتتىڭ بۇل ءتۇرىن ساعىنىپ تا قالدى. سەبەبى بوۋلينگ ەڭ الدىمەن كوڭىل كوتەرۋ ءتۇرى ەمەس، سپورت بولىپ سانالادى. كەشەدەن بەرى QR-كود الىپ جۇمىس ىستەي باستادىق. كەلۋشىلەر بولدى، 30 ادامعا قىزمەت كورسەتتىك. بارىندە دە «كوك» مارتەبە بولدى. «قىزىل» جانە «سارى» مارتەبە بولعان جوق. ارناۋلى وقۋدان وتتىك. ونىڭ بارىسىندا «قىزىل» مارتەبەسى بار ادامداردى مەكەمەگە جىبەرمەۋ كەرەكتىگىن، مىندەتتى تۇردە سانيتارلىق-ەپيدەميولوگيالىق قىزمەتكە حابارلاۋ قاجەتتىگىن تۇسىندىك. قىزمەتتەرگە قاۋىپسىز قىزمەت كورسەتۋ ءۇشىن جۇمىستار جۇرگىزىلەدى. ءار ويىننان كەيىن بوۋلينگ شارالارىن ارناۋلى سۇيىقتىقتارمەن تازالاپ وتىرامىز، – دەدى «دۋمان» قوناقۇيىندەگى بوۋلينگ ورتالىعىنىڭ باسشىسى م.جانعوجين.
قازىرگى ۋاقىتتا «Ashyq» قاناتقاقتى جوباسىن ىسكە اسىرۋعا 39 كاسىپكەر ءوزىنىڭ كەلىسىمىن ءبىلدىردى.

پىكىر جازۋ

پوچتاڭىز جاريالانبايدى

11 − 7 =