Артық құжаттан арылдық

2013 жылдың 1 қаңтарынан бас­тап Қазақстан Респуб­ликасының «Идентификациялық нөмірлердің ұлттық тізі­лімі» заңымен СТН (РНН) мен ӘЖК-ның (СИК) орнына ұлт­тық идентификаторлар – ЖСН (ИИН) мен БСН (БИН), соны­мен қатар КҰЖЖ (Кәсіпорындар мен ұйымдардың жал­пы жіктеушісі) енгізілді.

Бұл туралы заң бұрын қабыл­да­­нып қойғанымен, оны іске асыру 2010 жылдан бері кейінге қал­ды­рылып келді. Бүгінде Салық ко­ми­те­ті, Қаржы министрлігі және өз­ге де мемлекеттік орган­дар­дың барлық ақпараттық жүйе­лері штат­тық режимдегі жа­ңа үлгіде жұмыс іс­теп жатыр. Қан­дай да бір про­б­лема – ЖСН не­ме­се БСН-нің сәй­кессіздігі туын­да­ған жағдайда салық органда­ры шұғыл түрде аза­мат­тарға туын­даған мәселелерді ше­шу­ге кө­мектеседі. Негізінен, сәй­­кес­сіздік мәселесіне Ішкі істер ми­нис­тірлігі жауапты.

Құжаттарды ІІМ ҚР азаматтарына, ал Салық комитеті резидент емес тұлғаларға береді. Кейбір азаматтарымыздың жеке куәлігінде ондай номерлер бар көрінеді. Жеке куәлігінде ЖСН көрсетілмеген азаматтар ХҚКО-ға жүгіне алады, оған жеке куәлігін берген соң, ЖСН нөмірі бар анықтама беріледі.

Бүгінде бүкіл банктер бұдан хабардар. Қаржы Министрлігі Ұлттық банкпен және екінші дең­гей­­лі банк­термен тиісті жұмыс жүр­­гізіп, оларға күн сайын ЖСН­ мен БСН базасы бойынша жаңартылған мәліметтерді жі­беріп отыр. Жеке куәлік пен сәй­кестендіру нөмірі сәйкес кел­мей жатса, банк жұмыс тәр­ті­бімен Салық комитетіне ақпарат береді. Содан кейін азамат ЖСН алу үшін тұрғылықты жері бойынша салық органына немесе ХҚКО жүгіне алады.

Ербол ЖАНАТ