ARMANIMIZ ASTANAMEN ASTASQAN…

0 305

Elordamız köz ilespes jıldamdıqpen körkeyip keledi. Endi biraz jılda älemniñ aytwlı qalalarınıñ biri bolatınına bek senimdimin. On şaqtı jıl burın ğana älem elderiniñ keybiri Qazaqstandı bilmek tügili, estimegen bolsa, büginde «Astana» dese, elimizdi birden tanïdı. Bul – ötken jılı elimizde ötken EKSPO Halıqaralıq körmesiniñ birden-bir jemisi dep bilemin. Ïä, bul aytwlı şara uyımdastırılmas burın, Qazaqstan özge qırınan da tanımal edi. Osı orayda basımnan ötken bir jağdaydı aytqım keledi. 2015 jılı kezekti issaparmen Ïtalïyağa bardıq. Bul – Memleket basşısınıñ Mïlan qalasına jasağan memlekettik saparı-tın. Ädettegidey, şaradan birneşe kün burın sol jaqqa jetip alğan biz (tüsirw tobı) sän äleminiñ otanı sanalatın şahardı araladıq. Taksïmen jürwimizge twra keldi. Kölikke otırdıq. Ïtalïyalıq jürgizwşi bizdiñ basqa elden kelgenimizdi birden añğarıp, äñgimege tarttı (äñgime ağılşın tilinde örbidi)

   – Qay jaqtan keldiñder?

   – Qazaqstannan.

   – Ol qay jaqta?

   İştey qalay tüsindirsem eken dep oylanıp kelemin. Bir waqıtta:

   – Astana twralı estwiñiz bar ma? – dedim.

   Jürgizwşi birden:

   – Astana! Ïä-ïä! Nazarbaev, Vïnokwrov, «Astana Arlans», – demesi bar ma?

   Qwanğanımnan töbem kökke jetwge az-aq qalıp:

   – Ïä, biz sol jaqtanbız. Astana Qazaqstannıñ bas qalası, al Nursultan Nazarbaev – bizdiñ memleketimizdiñ Prezïdenti, – dedim. Ol elordamızdı teledïdardan körip, az ğana waqıtta jazıq jerge jañadan salınğan qala ekenine tañ qalıptı.

   Kewdemdi qwanış kernep, şeteldegi qarapayım xalıqtıñ bizdiñ Astanamızdı tanıp jatqanı – jetistik, maqtanış degen oy tüydim. Qïyalımnıñ qanatına «minip», oqwşı kezimde armandağan Astanama «täwekel» dep kelgenime sol kezde tağı bir rïza boldım. Sebebi jeti jıl burın twğan qalam Semeydi qïıp, eşkimim joq jerge kelw şını kerek, oñay bolmadı. Sarıarqanıñ sarı ayazına toñıp, üy-küysiz jürgen kezde Astanağa degen maxabbatım, onımen baylanıstı armandarım ustap qala berdi. Köp keşikpey elordam oğan degen maxabbatımdı qabıl alıp, ömirim tübegeyli özgerdi. Bas qalamızdıñ beldi «Astana» telearnasına jumısqa qabıldandım. Eñbektene jürip, şahardıñ tınıs-tirşiligin tez arada zerttep, tanıp ülgerdim. «ORT-Evrazïya» telearnasında istep jürip Prezïdentimizdiñ memlekettik, resmï saparlarınan xabar tarattım. «Sırt köz – sınşı» demekşi, issaparlarğa şıqqanda bizdiñ memleket jaylı köp estïmiz. Şınımen de, şekara asqan sayın barğan jerdegi halıqtıñ bizdiñ elge degen qızığwşılığı zor ekenin bayqadım. Sonday bir jağdaymen bölissem deymin. Qırğızstannıñ astanası Bişkekte boldıq. Köşede tüsirilim jasap jürip, sawdagermen tildesip qaldım.

   – Sender baqıttısıñdar, – deydi.

   – Tüsinbedim? – dep, tañ qaldım.

   – Sen qazaqsıñ ba?

   – Ïä…

   – Endeşe, durıs ayttım. Qazaq xalqınıñ bağına Nursultan Nazarbaevtay basşı buyırdı. Alpawıt elder Qazaqstandı moyındadı. Köptiñ körgisi keletin Astanalarıñız bar. Eñ bastısı – beybitşilikte ömir sürip jatırsızdar…

    Oylanıp qaldım. Ras, işte jürip barımızdı bayqamaymız. Qanşa adam bizdegi beybit ömirdi añsap jür deseñizşi?!

   Tağı bir mısal. Reseydiñ Astraxan' qalasında qazağımız köp. Kezekti bir saparımızda sonday bir qandasımız qazaq ekenimizdi körip, qasıma kelip tanıstı. Elwdi eñsergen el ağası. Sol jaqtı burınnan meken etken eken. Bala kezinen äkesi: «Bizdiñ Otanımız – Qazaqstan!» – dep üyretipti. «Otanıma oralw – armanım», – deydi. Äsirese elimizdiñ bügingi jağdayına qızığıp, el awzında jürgen äsem qala Astananı körgisi keletinin ayttı. Jıl ötken sayın munday azamattardıñ köbeyetini sözsiz. Al biz sïyaqtı Astanağa arman qwıp kelgen jastar bas qalamızdıñ körkeyuine tamşıday bolsın ülesin qoswı tïis. Oylap otırsam, Astanağa kelgen jeti jılda jetken jetistikterim az emes eken. Ömirimdegi mañızdı şeşimdi de osında qabıldadım. Astanada nekege turıp, şañıraq köterdik. Büginde eki balalı anamın. Orındalmastay köringen armanımızğa qol jetkizdik. Baspanalı boldıq. Endigi maqsatımız – elimizdiñ bas qalasında tamır jaysaq, balalarımız osı şaharda ösip-jetse deymiz. Al özimiz Astananıñ örkendewine barınşa üles qosqımız keledi. Elordamız qanat jayıp keledi, onımen birge astanalıqtardıñ da sanı artwda. Astananıñ bolaşağı zor.

Ayjan İLÏYASQIZI,
jwrnalïst

Pikir jazw

Poçtañız jarïyalanbaydı

four − one =