Ардагерлер келешекке алаңдамайды

Бүкіл Қазақстан халқымен бірге Астана қаласының Есіл аудандық Ардагерлер ке­ңесі ұйымының мыңдаған мүшелері Мемлекет басшысы Н.Назарбаевтың «Қазақстан – 2050» стратегиясы: қалыптасқан мемлекеттің жаңа саяси бағыты» атты Жолдауын шынайы ниетпен қабылдап, қызу талқылауда.

Президентіміз өткен уақытымызда жеткен жетістіктерге сараптама жасай отырып, біздің ортақ күш-жігер жұмсауымыздың арқасында еліміздің танымастай болып өзгергенін айта келіп, табысты мемлекетке айналғанымызды атап, жаңа бағыт-бағдар ұсынды.

Бұдан 15 жыл бұрын Президенттің бас­қаруымен Қа­зақ­стан дамуының 2030 жыл­­ға­ дейінгі стра­те­гиясын қабылдап, соны жемісті жүзеге асырудың арқасында біз қуат­ты, тәу­елсіз Қазақстан мемлекетін құрған болатынбыз. Осы өткен уақытта біз шекарамыз­ды заңдық тұрғыдан рәсімдедік. Елдің эко­но­­­ми­ка­лық­ кеңістігін құрдық, өндірістік бай­­­­ла­ныстарды қайтадан орнықтырып, ны­­­ғайт­­тық. Мемлекеттік басқару жүйесін өз­гер­тіп, конституциялық, саяси реформалар жүр­гізілді. Елдің жаңа орталығы – Астана салынды. Бұл жаңа типті салынған қала біздің бой­­тұ­­марымызға, мақтанышымызға айналды.­ Осы қаланың арқасында халықаралық қау­ым­дас­тық ЭКСПО-2017 көр­ме­сін­ Қа­зақстанда өткізуді таңдады.

Президентіміздің «Алдымен экономика,  содан соң саясат» деген ұстамы бойынша еліміз ілгерілеп, қоғам әрбір қадам басқан сайын демократияландыру мен адам құқықтары са­ласындағы ең жоғары стандарттарға жа­қын­дап келеді. Ұлттық экономикамыз ше­тел­дік инвестицияларды тартудың үлгісін жасады. Қазір елімізге 160 млрд доллардан ас­там шетел инвестициясы тартылып отыр. Кә­сіпкерлер үшін негізгі талаптар мен салық жүй­есі қалыптасты.

2012 жылдың нәтижесі бойынша ІЖӨ-нің көлемі жағынан біз әлемнің 50 ірі эко­номикасының қатарына кіріп, Қазақстан Дү­ние­жүзілік экономикалық форумның рей­тингінде 51 орынды иеленеді. 15 жыл ішінде қазақстандықтардың табысы 16 есе өсіп, күнкөріс деңгейі төмен азаматтардың саны 7 есеге азайса, жұмыссыздық саны 2 есеге қыс­қар­ды. Соңғы бес жылда ана өлімі шамамен 3 есеге азайып, бала туу көрсеткіші біржарым есеге көбейгенін, білім алуға жұмсалатын қар­­­жы­ 9,5 есеге өскенін, сөйтіп, алға қойған мақ­­сат – мемлекеттік бағдарламаның іске асып жат­­қа­нын­ хабарлады.

Әлемдік саясатта біздің еліміз халықаралық беделге ие болып, жаhандық қауіпсіздікті ны­ғай­ту ісінде маңызды роль атқарып, ха­лық­аралық терроризмге, экстремизмге, есірткінің заңсыз айналымына қарсы күресте әлемдік қауымдастықты қолдайды. Әлемде бірінші болып Семей ядролық полигонын жауып, атом қаруынан бас тарта отырып, ядролық державалардан қауіпсіздігімізге берік халықаралық кепіл алдық. Ядролық сынақтарға жаппай тыйым салу туралы шарттың тезірек күшіне енуін құптаймыз. Осындай саясаттың арқасында Қазақстан ядролық қаруды таратпаудың көшбасшысы, басқа мемлекеттер үшін үлгі болғанына қуанамыз.

«Қазақстан – 2030» стратегиясының негізі жоспарлаған мерзімнен бұрын орындалғаны үлкен абырой болды. Тарихта тұңғыш рет біз­дің мем­лекет халықаралық дәрежеде нақ­ты­лан­ған 14 мың шақырым мемлекеттік шекара межеленді. Келер ұрпаққа даулы аймақтар қалған жоқ, қорғанысқа қабілетті әскер, пәр­мен­ді құқық қорғау жүйесі, көппартиялы  Пар­ламент, көпшілік қолдаған Үкі­мет құрылды.

Қазақстан азаматтарының денсаулығы, бі­лі­мі, әл-ауқаты жоғарылады. Орташа айлық жалақы 9,3 есеге өсті, зейнетақы мөлшері 10 есеге, халықтың саны 14 млн-нан 17 млн адамға өсті, өмір сүру ұзақтығы 70 жасқа дей­ін­ ұлғайды.
«Қазақстан 140 этнос пен 17 конфессияның өкілдері үшін туған шаңырағына айналды. Азаматтық татулық пен ұлтаралық келісім – біздің басты құндылығымызға айналды» – дейді Президентіміз. Бұл ретте біз нағыз бей­бітшілік пен келісім орнаған ел екенімізді ай­тып мақтана аламыз.

Президентіміз Нұрсұлтан Назарбаев 2030 стра­те­гиясының орындалуын сараптай келіп,­ ұлттың 2050 жылға дейінгі жаңа саяси ба­ғы­ты­н, яғни, Қазақстан халқына Жолдауын ұсынып, енді біздің ең дамыған отыз ел­дің­ қатарында болуымызды жоспарлап отыр. Бұл дамушы елдердің арасындағы өте­ қатал бәсекелестік болмақ. Сондықтан, Пре­зи­­ден­тіміз ұлтымызды осындай жаhандық эко­­номикалық тайталасқа дайын болып, көз­де­ген межеге жетуге шақырды. Олай болса, біз де­ 2050 жылғы қазақстандықтар – үш тілде сөйлейтін білімді, еркін адамдардың қоғамы бо­латындығына, дұрыс бағытпен ілгерілеп бара жатқанымызға және бізді ештеңе де түзу жолдан тайдыра алмайтынына, XXI ғасыр Қазақстанның «Алтын ғасыры» боларына сенеміз. Түйіндеп айтқанда, біздің ұйымдағы ардагерлер қауымы келешекке алаңсыз екенін айтады

Р. АТЫҒАЕВА,

Астана қаласы Есіл аудандық
Ардагерлер кеңесінің төрайымы