Är zat öz ornında tursa

nemese Keñistikti uyımdastırwşı – zamanawï käsip

0 273

Üyiñizde, jumıs ornıñızda nemese dükeniñizde barlıq zattardı jaylı, ıñğaylı, jüyeli etip ornalastırw – sizdiñ köñil küyiñizge sergektik äkelip, sol arqılı ömir sürw jağdayıñızdı jaqsartadı. Qım-qwıt tirlikpen jürip, üy işindegi zattardıñ retti, retsiz turwına asa män bermew ömirlik maqsattarıñızdıñ da jüyeli orındalmawına ıqpal eteri sözsiz. Osı şarwamen aynalısıp, turmısıñızdı jeñildetetin zamanawï käsip keñistikti uyımdastırw dep ataladı.Bul sala AQŞ-ta 40 jıldan beri damıp keledi. Al Reseyge kelgenine 6-7 jılday bolsa, Qazaqstanda nebäri 2-3 jıl burın ğana belgili boldı. Öziniñ zañ jäne ekonomïka salasında joğarı bilimdi qos dïplomı bolsa da qosımşa bilim alıp, osı salada tabıs tawıp jürgen elordalıq Dïlyara Saqataevanıñ aytwınşa, büginde elimizde bul jaña salanı meñgergender sanı şamamen otızğa jwıq.
– Keñistikti durıs paydalanatın üyde bası artıq zat bolmaydı. Ärbir zattıñ öz ornı boladı. Sonımen qatar üydi rettewge ketetin waqıt 2-3 esege qısqaradı. Budan basqa onıñ paydası jäne men üşin asa mañızdı tusı – adamdardı «aqılmen tutınw deñgeyin» meñgerwge üyretwim. Üyge közge tüsken kez kelgen zattardı ala bermey, bärin oylastırıp satıp alwğa ündeymin. Orısşa aytqanda, «mïnïmalïzmge» şaqıramın. Munıñ tübinde ekologïyalıq tïimdilik jatır. Maqsatım – klïentterim men oqırmandarıma üylerindegi keñistikti durıs paydalanwdı ğana emes, kündelikti is-äreketiniñ tabïğatqa äserin azaytw. Mısalı, üyde jïnalatın qoqıstı surıptap, ecofriendly materïaldardı tañdaw, jaramsız därilerdi durıs wtïlïzacïyağa tapsırw jäne t. b., – deydi Dïlyara.
Qazaqstannıñ üzdik bankteriniñ halıq­aralıq qatınastar departamentterinde qız­met atqarğan ol qazir eki balasımen üyde otırıp, osı käsipten täp-täwir tabıs tawıp otır. Oğan da 12 jılday waqıt bolıptı.
Alğaş ol keñistikti uyımdastırwşı mamandığı jayında ïnstagramnan bilipti. Sodan qızığwşılığı oyanıp, reseylik «Vremya poryadka» mektebin 2018 jılı oqıp bitiredi. Kelesi jılı japondıq älemge äygili organïzator Marï Kondonıñ onlayn kwrsın oqïdı. Dïlyaranıñ elordanıñ ekologïyalıq ahwalı twralı da öz aytarı bar.
– Basqa qalalarmen salıstırğanda, Nur-Sultanda eko-ömir sürw äldeqayda oñay. Üylerdiñ köbisiniñ janında arnayı baktar men konteynerler tur. Qağaz bolsın, sınap şamdar bolsın, bärin de alısqa barmay qayta öñdew men wtïlïzacïyağa tapsırwğa boladı. Meniñ oyımşa, negizgi mäseleniñ biri – aqparattıñ tapşılığı. Adamdar plastïk sömkelerdiñ zïyanı twralı, qoqıstıñ qalay qayta öñdeletini jaylı bilmeydi. Soğan qosa osınday ekologïyağa kerekti şaralardıñ jüzege asırılatındığına da senbeydi. Köp turğınnıñ oyınşa, olar surıptama jasasa da, bir qoqıs jïnaw köligi keledi de, baktardıñ eki türin aralastırıp äketedi. Sondıqtan qala turğındarınıñ bilimin köterw kerek, – dep sanaydı ol.
Al elordalıqtardıñ bilimin qalay köterwge boladı? Birinşiden, aqparattandırw, ol üşin gazet-jwrnaldarda arnayı maqalalar şığarw, telearnalarda sapalı beynerolïkter körsetw kerek dep esepteydi.
– Qazaqstanda «Zeta» degen kompanïya bar. Olar äri sawda jasaydı, äri öz tawarların öndirwşi. Biraq sol dükenderden qazaqstandıq tawarlardı mülde satıp alğan joqpın. Sebebi şeteldik bäsekelesterine qarağanda bizdiñ otandıq tawarlardıñ sapası tömen, türi men tüsteri tım aşıq (fwksïya, qızıl, külgin). Sonday tüsterdi üylerdiñ köbisinde qoldanbaydı ğoy, sondıqtan men öz klïentterim üşin reseylik, ïtalïyalıq nemese türik tawarların alamın, – deydi ol.
Keñistikti uyımdastırwşı – tabıstı sala, klïentterdi köptep jïnawğa boladı. Olardıñ köbisi üyleriniñ bir bölmesindegi keñistikti durıs uyımdastıram dep oylaydı da, barıp söyleskennen keyin bükil üydi rettewge köşedi. Öytkeni osı salanı biletin arnayı mamanmen birge jasalğan jumıs­tıñ sapası da, nätïjesi de joğarı boladı. Dïlyara öz üyinde de barlıq jumıs ädisterin qoldanıp, keyde zattarınıñ saqtalw jü­yesin özgertip, jaqsartıp otıradı.
Aptasına 2-3 adamnan tapsırıs alıp, olardıñ üyine barıp jumıs jürgizedi, arasında onlayn konswl'tacïyalar da boladı. Bir bölmege 4-10 sağat waqıt jumsaladı, sondıqtan köp klïentter ala almaymın, – deydi özi. Jumıs waqıtı üydiñ/bölmeniñ sol kezdegi jağdayına, yağnï artıq zattar köp pe, klïent şeşim jıldam qabılday ma, organayzerler kerek pe, soğan baylanıstı boladı. Keñistikti uyımdastırwşı ünemi bilimin jetildirip, soñğı zamanawï jetistiktermen tanısıp otırwğa tïis. Sondıqtan ol arnayı ädebïetti köp oqïdı.
Dïlyaranı memlekettik telearnalarda sarapşı retinde bağdarlamalarğa qatıswğa birneşe ret şaqırğan. Bul salağa kelwine de bala kezdegi dağdıları sebep bolğan sekildi. Kişkentayınan kärzeñke, organayzer, jïhaz satatın dükenderge barwdı unatadı eken. Äjesi tazalıq pen üy rettewdi jaqsı körgendikten, onı tazalıqqa bawlığan. Mektep jasınan ekologïya mäseleleri qattı qızıqtırıp, oqwşı kezinde qoqıs öñdew jayında joba jasaptı. Tipti bolaşaqta qoqıs öñdeytin zawıt aşamın degen oyları bolğanın aytadı.

Pikir jazw

Poçtañız jarïyalanbaydı

17 − three =