ءار وتباسىنا جىلۋ سىيلاعان

0 120

راۋزا كاكەنوۆا – «استانا تەپلوترانزيت­ اق-دا­ ۇزاق جىلداردان بەرى جۇمىس ىستەيدى. قولىنا العان كەز كەلگەن شارۋانى دوڭگەلەتىپ اكەتەتىن، ۇيىم­داس­تىرۋشىلىق قابىلەتى جوعارى ماماندى كاسىپ­ورىن ۇجىمى «استان تاڭداۋى» بايقاۋىنا ۇسىنۋدى ءجون كورىپتى.

راۋزا جۇنىسپەكقىزى – ەلوردانىڭ بايىرعى تۇرعىنى. وسىنداعى ينجەنەرلىك-قۇرىلىس ينستي­­تۋ­­تىن بىتىرگەن ول العاشقى ەڭبەك جولىن «قاز­ەنەر­گو­نالادكا» كاسىپورنىندا ينجە­نەر بولىپ باستايدى. كەيىن «اقمولا جىلۋ جە­لى­لە­رى»­ اق-دا ابونەنتتىك ءبولىمنىڭ، «استانا­ەنەر­گو­سەر­ۆيس­تە» وتكىزۋ قىزمەتىنىڭ باسشىسى مىندەتىن اتقارادى. ال، 2005 جىلدان بەرى «استانا­-تەپلوترانزيت» اق- ءجون­دەۋ قىزمەتىن باس­قا­رىپ كەلەدى.

جالپى، ءار ۇيگە جىلۋ سىي­­لاي­­تىن مامان­دار­دىڭ­ جۇ­مى­­سى وڭاي ەمەس. ءاسى­رەسە، راۋزا­ ءجۇنىس­­پەك­­قى­­زىنا جۇك­تەل­گەن جاۋاپ­كەر­شىلىك ۇلكەن. ويتكەنى، كاسىپ­ورىن­دا­عى جوندەۋ جۇمىس­تارى ەشقاشان تولاستامايدى.­ جىلۋ بەرىل­مەي­تىن جاز ايلا­رى­نىڭ وزىندە تۇرعىن­دار­عا جىلۋ جەتكىزىلەتىن جەلىلەر مەن توراپتاردى تەكسەرۋدەن وتكىزىپ، ولاردىڭ كۇتىمدى بولۋى ۇنەمى قاداعالاۋدا بولادى. قايتا وسى كەزەڭدە جۇمىس كوبەيەدى. كوپتەگەن جىلۋ توراپتارىنا كۇردەلى جوندەۋ جۇمىستارى جۇرگىزىلەدى، قاي­تادان جاڭار­تى­لاتىندارى دا بار. وسىنداي شارۋا­لار­دىڭ بەل ورتاسىندا راۋزا كاكەنوۆا جۇرەدى. جىلۋمەن قامتاماسىز ەتۋ جۇيەسىندە قولايلى رەجيم قالىپتاستىرۋ، جىلۋ بەرۋ ماۋسىمى باستالعان ساتتە ءار ءۇيدىڭ وسى ماڭىزدى كەزەڭگە دايىن بولۋىن قاداعالاۋ، تۇرعىن ۇيلەردىڭ قىسقا ازىرلىك پاسپورتتارىن دەر كەزىندە الۋى، جىلۋ ەنەرگياسىن ەسەپتەگىش قۇرىلعى مەن اۆتو­مات­تان­دىرىلعان رەتتەگىش جۇيەسىنىڭ ورناتىلۋىن باقىلاۋ، «استانا-تەپلوترانزيت» نىساندارى مەن تۇرعىن ۇيلەردە ەنەرگيا ۇنەم­دەي­تىن ءتيىمدى تاسىلدەردى ەنگىزۋ سىندى جۇمىس­تار وسى مامان­نىڭ­ موينىندا.

جالپى، ەنەرگەتيكا سالاسىنىڭ مايدا-ءشۇي­دە­سىنە دەيىن جەتىك مەڭگەرگەن ايەلدەر ساناۋلى. نازىك جاندىلار كوپ جولاي قوي­ماي­تىن بۇل سالادا راۋزا جۇنىسپەكقىزى ۇزاق جىلدار بويى ۇزدىكسىز جۇمىس ىستەپ كەلەدى. «راۋزا كاكە­نو­ۆا­نىڭ جۇمىسىنان ءبىر­ ءمىن تاپپايسىز. ول­ جىلۋ جەلىلەرىندەگى تەحنو­لو­گيالىق پرو­تسەس­تەر­دى بۇگە-شىگەسىنە دەيىن بىلەدى. ونىڭ ەر مىنەزدىلىگى، جاۋاپ­كەر­شى­لىكتى سەزىنە بىلە­تىن تا­لاپ­شىل­دى­عى­ ارقاسىندا قالا تۇرعىندارىنا جىلۋ جەتكى­زەتىن توراپتاردا ۇلكەن قيىندىقتار تۋىن­دا­عان ەمەس»، – دەيدى ارىپتەستەرى.

روزا كاكەنوۆانىڭ باسشىلىعىمەن «استانا – تەپلو-ترانزيت» اق-دا جىلۋ بەرۋ ماۋسىمىنا دايىندىق جونىندەگى كەشەندى ءىس-شارالار جوس­پارى بەكىتىلىپ، جىلۋ بەرۋ ماۋسىمىن ساپا­لى وتكىزۋدىڭ ەرەجەسى قابىلدانعان ەكەن. جىلۋ ەنەرگياسىن دۇرىس پايدالانۋدىڭ جانە ونى ەسەپكە الۋدىڭ ەرەجەسى دە راۋزا ءجۇنىس­پەك­قى­زى­نىڭ باستاماسىمەن ازىرلەنگەن.

ەلوردا تۇرعىندارىن جىلۋمەن قامتاماسىز ەتۋ جولىندا تەر توگىپ، ەنەرگەتيكا سالاسىن دامىتۋعا ۇلەس قوسىپ كەلە جاتقان راۋزا كاكە­نو­ۆا كوپتەگەن ماراپاتتاردىڭ يەسى. ول – «قر قۇرمەتتى ەنەرگەتيگى». 2011 جىلى «ەنەر­گە­تيكا سالاسىنىڭ ارداگەرى» اتاندى. ءوز ۇجى­مىندا سىيلى مامان «ەڭ ۇزدىك ءبولىم باس­تىعى» اتىنا دا يە بولدى. «ءار ۇيدە جىلۋ مەن جايلىلىق بولۋ كەرەك» دەگەن قاعيداتتى ۇستا­نا­تىن راۋزا كاكەنوۆانىڭ ەڭبەگىنە ءبىز دە ساتتىلىك تىلەيمىز.

قىمبات نۇرعالي

پىكىر جازۋ

پوچتاڭىز جاريالانبايدى

4 × one =