Aqıl-oydıñ arnası

0 24

Ulı Abay atamızdıñ 175 jıldıq torqalı toyına tamaşa sıy retinde, elimizdegi aqparat keñistiginde «Aqıl-oydıñ aynası» degen uranmen jol tartqan «Abai tv» mädenï-ağartw telearnasınıñ tanıs­tırılımı ötti. Mäni tereñ mañızdı şarağa Prezïdent Äkimşiligi basşısınıñ birinşi orınbasarı Däwren Abaev, Mädenïet jäne sport mïnïstri Aqtotı Rayımqulova, Aqparat jäne qoğamdıq damw mïnïstri Aïda Balaeva jäne elordadağı zïyalı qawım ökilderi qatısıp, jaña arna jumısına sättilik tiledi.

Saltanattı şaranıñ aşılwında Prezïdent Äkimşiligi basşısınıñ birinşi orınbasarı Däwren Abaev bul telearnanıñ mädenï-ağartwşılıq salağa üles qosıp, ult qazınasın toltırwdı közdeytindigin jetkizdi.
Jaña telearna Memleket basşısınıñ tapsırmasımen iske qosıldı. Ol jurtşılıqqa aqın muraların barınşa nasïhattawdı murat tutıp, osı bağıtta «Abay jolın birge oqïıq», «Sarasöz» bağdarlaması jarıqqa şığadı. Sonımen birge aqın-jazwşılardıñ dramalıq şığarmaların taldawğa arnalğan «Ürker», jastardıñ «Jır maydanı», qazaq mwzıkasınıñ mädenïeti men tarïhı jayındağı «Ulı dala mwzıkası» jäne spektakl'der men balet qoyılımdarına arnalğan «Prem'erı» bağdarlaması körsetiledi.
Aytpaqşı, arnanı www.abaitv.kz resmï saytınan onlayn rejïmde köre alasız.

Pikir jazw

Poçtañız jarïyalanbaydı

12 − two =