اقىل-ويدىڭ ارناسى

0 24

ۇلى اباي اتامىزدىڭ 175 جىلدىق تورقالى تويىنا تاماشا سىي رەتىندە، ەلىمىزدەگى اقپارات كەڭىستىگىندە «اقىل-ويدىڭ ايناسى» دەگەن ۇرانمەن جول تارتقان «Abai tv» مادەني-اعارتۋ تەلەارناسىنىڭ تانىس­تىرىلىمى ءوتتى. ءمانى تەرەڭ ماڭىزدى شاراعا پرەزيدەنت اكىمشىلىگى باسشىسىنىڭ ءبىرىنشى ورىنباسارى داۋرەن اباەۆ، مادەنيەت جانە سپورت ءمينيسترى اقتوتى رايىمقۇلوۆا، اقپارات جانە قوعامدىق دامۋ ءمينيسترى ايدا بالاەۆا جانە ەلورداداعى زيالى قاۋىم وكىلدەرى قاتىسىپ، جاڭا ارنا جۇمىسىنا ساتتىلىك تىلەدى.

سالتاناتتى شارانىڭ اشىلۋىندا پرەزيدەنت اكىمشىلىگى باسشىسىنىڭ ءبىرىنشى ورىنباسارى داۋرەن اباەۆ بۇل تەلەارنانىڭ مادەني-اعارتۋشىلىق سالاعا ۇلەس قوسىپ، ۇلت قازىناسىن تولتىرۋدى كوزدەيتىندىگىن جەتكىزدى.
جاڭا تەلەارنا مەملەكەت باسشىسىنىڭ تاپسىرماسىمەن ىسكە قوسىلدى. ول جۇرتشىلىققا اقىن مۇرالارىن بارىنشا ناسيحاتتاۋدى مۇرات تۇتىپ، وسى باعىتتا «اباي جولىن بىرگە وقيىق»، «ءساراسوز» باعدارلاماسى جارىققا شىعادى. سونىمەن بىرگە اقىن-جازۋشىلاردىڭ درامالىق شىعارمالارىن تالداۋعا ارنالعان «ۇركەر»، جاستاردىڭ «جىر مايدانى»، قازاق مۋزىكاسىنىڭ مادەنيەتى مەن تاريحى جايىنداعى «ۇلى دالا مۋزىكاسى» جانە سپەكتاكلدەر مەن بالەت قويىلىمدارىنا ارنالعان «پرەمەرى» باعدارلاماسى كورسەتىلەدى.
ايتپاقشى، ارنانى www.abaitv.kz رەسمي سايتىنان ونلاين رەجيمدە كورە الاسىز.

پىكىر جازۋ

پوچتاڭىز جاريالانبايدى

twelve + eight =