Ақ қарда андыздаған ардагерлер

0 86

Қажымұқан Мұңайтпасов атындағы орталық стадионда ардагерлер арасында шаңғы жарысы өтті.

Іс-шараға 100-ге тарта шаң­ғышы ат салысты. Олар­дың арасында жасы 70-тен асқан ардагерлер де бар. Шара­ға қаты­су­шылар 400 метрлік ста­дион­ды 4 рет айналып шығуы тиіс болды және мұндай жа­рыс елор­да­мызда бірін­ші рет өткі­зіліп отыр.

«Спорттық іс-шара­ны өткізу­­дегі мақсат – адамды руха­ни жағы­­­нан жетілдіріп, шымыр­лыққа тәр­­биелеу, ортада салауат­ты өмір сал­­тын қа­­лып­­тас­­­тыру. Екін­шіден, арда­гер­­лер­ді бір араға жинау, кө­ңіл­де­рін көтеру. Жалпы, арда­гер­лер белсенді болуы керек. Жас­­тар біздің сө­зі­­міз­бен қатар, ісі­міз­­ден де өнеге алуы тиіс», – дейді Астана қа­ла­сы Ар­да­герлер ке­ңе­сі­нің төр­ағасы Бекен Әлімжанов.

Шаң­ғы жарысы 60-65, 65-70, 70-75 жас аралығындағы үш топ спорт­шылар арасында өт­ті. Бі­­рінші топ арасынан В.Ку­­чин­ский, екінші топтан А.Анто­нов және үшінші топта­ғы ардагер­лер арасы­нан 72 жасар Р.Михе­ева бірінші келді.

«Мен жүгіруді 45 жа­сымда бастадым. Со­дан бері 27 жыл өт­ті, 72 жас­қа келсем де, жүгіру­ді тас­таған емеспін. Күн сайын 6 шақырым жүгі­ре­мін. Тіпті жаяу жүру үшін көлігімді де сатып жі­бердім», – дейді Раиса Михеева.

Іс-шараны ұйымдас­ты­рушылар кросс аяқ­тал­ған соң ардагерлерге арнайы дастарқан жайып, құрмет көрсетті.

Ербол ЖАНАТ

Пікір жазу

Почтаңыз жарияланбайды

13 + two =