اپتانىڭ ەسەپ-قيسابى

0 127

جىل باسىنان بەرى استانا قالاسىنداعى جۇمىسپەن قامتۋ قىزمەتىنە 12 508 ادام كەلسە، ولاردىڭ 7928-ءى (63,3 پايىزى) نازىكجاندىلار ەكەن. ال، 59,7 پايىزى نەمەسە 7474 ادام – 14 پەن 29 جاس ارالىعىنداعى قىز-جىگىتتەر.

جۇمىسپەن قامتۋ جانە الەۋمەتتىك باعدارلامالار باسقارماسىنىڭ ەسەبىنشە، جۇمىس ىزدەپ كەلگەن 1114 ادام «جۇمىسپەن قامتۋ – 2020» باعدارلاماسىنا قاتىسۋشىلار قۇرامىنا ەنگىزىلگەن.

بۇعان قوسا، باسقارمادا ەلوردانىڭ 439 جۇمىس بەرۋشىسىنەن 737 بوس جۇمىس ورنى بار. جۇمىس بەرۋشىلەر تاراپىنان تالاپ ەتىلەتىن ماماندىقتاردىڭ دەنى – تەحنيكالىق جۇمىسشىلار مەن قۇرىلىسشى ماماندىقتارى، جول جوندەۋ جۇمىسشىلارى، قارا جۇمىسشىلار، مونتاجشىلار، ەلەكترشىلەر، گازبەن، ەلەكترمەن دانەكەرلەۋشىلەر، سانتەحنيكتەر، سلەسارلار، ارماتۋراشىلار، توكارلار مەن ءتۇرلى ونەركاسىپ سالاسىنىڭ ينجەنەرلەرى. سونداي-اق، دارىگەرلەر مەن مەديتسينالىق قىزمەتكەرلەر، مۇعالىمدەر، مەكتەپكە دەيىنگى مەكەمە تاربيەشىلەرى، داياشى، اسپاز سەكىلدى ماماندىقتار دا ۇلكەن سۇرانىسقا يە.

پىكىر جازۋ

پوچتاڭىز جاريالانبايدى

five − two =