اپتا جاڭالىعى

0 107

بۇدان بىلاي قازاقستاندىق تەمىر تۇلپار يەلەرى جول پوليتسياسى تاراپىنان سالىنعان ايىپپۇلدى بانك كارتالارى مەن ۇيالى تەلەفون ارقىلى تولەي الادى.

حالىق بانكى مەن ينتەرۆەيل قازاقستان كومپانياسى MyPaykz  تولەم جۇيەسى بويىنشا وسىنداي مۇمكىندىك تۋعىزىپ وتىر.

«ماي ايىپپۇلدارى» دەگەن تارماقتى تاڭداپ الۋ كەرەك. مۇندا  ايىپپۇل تولەمىنىڭ ەكى ءتۇرلى نۇسقاسى قاراستىرىلعان. ءبىرىنشىسى، جۇرگىزۋشى كۋالىگىنىڭ مالىمەتتەرىن جانە جسن-دى ەنگىزۋ ارقىلى، ەكىنشىسى، ءتارتىپ بۇزۋشىلىق تۋرالى قاۋلى ءنومىرىن، سەرياسىن، كۇنىن جانە  جسن-دى ەنگىزۋ ارقىلى جۇزەگە اسىرىلادى.

بۇل قىزمەتتى MyPaykz  سەرۆيسى ورناتىلعان ۇيالى تەلەفون ارقىلى دا پايدالانۋعا بولادى.

ماي ايىپپۇلدارىن تولەۋ فۋنكتسيالارى بار جاڭارتىلعان قوسىمشالاردى وس j2me, Symbian, WindowsMobile, Android  ۇشىن GooglePlay-دان جۇكتەپ الۋعا بولادى. سونداي-اق NokiaStore دۇكەنى مەن wap.mypay.kz. سايتىنان دا الۋعا بولادى. I-Phone ءۇشىن AppStore-دە جاريالانعان قوسىمشانى جاڭارتۋ قاجەت.

MyPaykz قوسىمشاسىنىڭ كومەگىمەن قازاقستاندىقتار ينتەرنەت، تەلەۆيدەنيە، كوممۋنالدىق جانە باسقا دا قىزمەتتەر ءۇشىن اقى تولەي الادى. تاياۋ ۋاقىتتا مۇنداي قىزمەت تۇرلەرىنىڭ ءتىزىمى ۇيالى تەلەفون ارقىلى سالىق تولەۋ، تەمىر جول جانە اۆيا بيلەتتەرى ءۇشىن اقى تولەۋ، سونداي-اق كارتوچكادان كارتوچكاعا اقشا اۋدارۋ سياقتى مۇمكىندىكتەرمەن تولىقتىرىلادى دەگەن دە مالىمەت بار.

پىكىر جازۋ

پوچتاڭىز جاريالانبايدى

2 × two =