©2020 Астана Ақшамы
Білім және ғылым министрлігі осы аптада Ұлттық бірыңғай тестті 121 мың адам тапсырады деген нақты дерек таратты. Бұл көрсеткіш биылғы бітіруші түлектердің 78 пайызын құрап отыр.
Сынақ 1-15 маусым аралығында 154 қосында өтеді деп жоспарлануда. Оның 107-сі аудан орталығы мен қала мектептерінде, ал, 47-сі Астана мен Алматы қалаларында және облыс орталықтарында орналасқан. Биылғы тестілеудің ерекшелігі жылдағыдай маусымның 10-на емес, 15-не дейін созылады.
Апелляцияға өтініш қабылдау үшін тағы да қосымша 1 сағат беріледі, яғни, күніне 14 сағатқа дейін өтініштер қабылдайды. Мемлекеттік комиссияның мүшелері 11 адамнан 5-ке дейін қысқартылды.