Апта алаяқтығы

0 98

Осы аптада Астана қаласы ІІД Сарыарқа ауданы ІІБ-нің кезекшілік бөліміне хабарласқан астаналық тұрғын өзіне белгісіз біреудің «полиция қызметкерімін» деп хабарласқанын айтады. Әлгі бейтаныс полиция оған ұлы­ның келеңсіз жайтқа тап болып қамауға алын­ға­нын, оған көмектесу үшін полицейлерге 500 мың ақша төлеу қажеттігін жеткізіпті.

Әйел бірден полицияға шағымданады. Оқиға орнына Сарыарқа ауданы бойынша ІІБ-нің қызметкерлері же­тіп, ақ­шаны алу кезінде Қостанай облысының 23 жастағы С. есім­ді азаматшасын ұстады. Әйелді тексеру барысында одан 3 ұялы телефон мен сим-карталар табылыпты. Ал, үйін тінту ке­зінде 4 парик пен 8 сим-карта тәркіленген.
Қазіргі уақытта оның телефон алаяқтығының 5 оқиғасына қатысы бар екендігі анықталды. Енді алаяқтың дерегі бойынша қылмыстық іс қозғалуда.

Шынар ДОСАН

Пікір жазу

Почтаңыз жарияланбайды

one × 5 =