АНАНЫҢ МЕЙІРІМ ШУАҒЫ

0 218

Жұмыр басты пенденің ең қа­­дірлі, ең мейірімді тірегі – Ана екені даусыз. Атам қа­зақ­ сондықтан «Жұмақ ана та­банының астында» деп­ ықы­ласты пейілмен ой­мақ­тай­­ нақылды айтқан.

Бала тәртібіне, оның ішінде қыз ба­ланың тәрбиесіне ұл­ты­мыз­ ерек­ше назар аударған. От­­ба­­сы тү­тінін түзу ұшыратын, ағай­ын­ның бірлігін сақтайтын да – осы нә­зік­жан­ды­лар. ­Мемлекет бас­­шы­сы­ Нұрсұлтан Назарбаев та­ осы мәселеге орай өзінің «Қа­зақстан –2050» стратегия­сы – қалыптасқан мемлекеттің жа­ңа сая­си бағыты» атты Жол­дау­­ын­да былай деп атап өткен бо­ла­тын: «Ең алдымен, біз қыз­­да­ры­­мыздың тәрбиесіне көп­ көңіл бө­луіміз керек. Олар – бо­лашақ жар, болашақ ана, ша­ңырақтың шы­рақшылары». Осылай дей ке­ле, ажырасуға мүлде қарсы еке­нін мәлімдепті. Меніңше, мұ­ны болдырмас үшін тәрбие құ­ралы са­налатын телеарнада – ашық-шашық жүретін бейәдеп бой­жет­кендерді көрсетуді тоқтату ке­рек. Өркениетті елде аралас­ не­ке насихатталмайды. Ал біз­дің­ кейбір жекелеген ақпарат құ­ралы бұл мәселеге оңтайлы көз­қарас танытпай, түндікті жа­булы күйінде қалдырып жүр.

Шүкір, өзім төрт қыз тәрбиелеп өсір­дім. Алды тұрмыс құрып, не­ме­релі болдым. Үшіншісі қазір Еу­разия ұлттық университетінде бі­лім алуда. Бір қуанарлығы, осы ба­лаларым еңбек пен оқуды ұш­тас­тырып, бізге салмақ салған жоқ.­ Жалпы, Елбасы Жолдауында көр­сетілгендей, бала тәрбиелеу – бо­лашаққа жасалған мықты ин­вес­­тиция. Сол байлығымыздың өр­кен жаюына үлес қосатын от­басы­ тәрбиесінің орны ерекше.­ Ал­ ананың мейірім шуағын ал­тын­ға да теңемес ем.

Бақтыгүл БЕКТАЕВА,
«Монолит» ЖШС қызметкері

Пікір жазу

Почтаңыз жарияланбайды

fifteen − 2 =