امەريكا توبەسىنە كوتەرگەن ايات

0 113

گارۆارد ۋنيۆەرسيتەتىندەگى زاڭ­ فاكۋلتەتىنىڭ ورتالىق كى­رە­بە­رى­سى­نە قۇران كارىمدەگى «نيسا» ءسۇ­رە­سى­نىڭ­ اياتتارىن ءىلىپ قويعاندىعى جاي­لى اقپارات ينتەرنەتتەگى ەڭ كوپ وقىلعان ماقالاعا اينالدى. ما­قالاداعى دەرەكتەرگە سۇيەنسەك، اتا­عىنان ات ۇركەتىن جوعارى وقۋ ورنىنىڭ بۇل قادامىن يسلام دۇش­پاندارى سىنعا الىپ، ورە تۇرەگەلگەن.

كىرەبەرىستەگى قۇران اياتى جازىلعان پلا­كات­تى­ ساۋد ارابياسىنىڭ تۋماسى، گارۆارد­ ۋني­ۆەر­سي­تە­تى­نىڭ ستۋدەنتى ابدوللا جۇما (Abdullah Jumma) سۋ­رەتكە ءتۇسىرىپ الىپ، ونى تۆيدتەردەگى ءوزىنىڭ پا­راق­شاسىنا ور­نا­لاس­تىر­عان كورىنەدى. اقپار وسى­دان جاي­ىل­عان.

فاكۋلتەتتىڭ كىرەبەرىسىنە ىلىنگەن اياتتىڭ ءتار­جى­­ما­­سى­­ بىلاي: «ءاي مۇمىندەر! اللا ال­دىن­دا كۋ­ا­­لىك­ ەتكەندە، ءتىپتى، وزدەرىڭە، اكە­-شە­شە­لەرىڭە­­ جانە جاقىندارىڭا كەسىرى تي­­سە­­ دە،­ ءادىل­دىك­تى­ بەرىك ۇستانىڭدار. ول باي بول­سا­ دا، كەدەي بولسا دا، اللا ولاردىڭ جاع­دا­ي­ىن­ سەنەن جاقسى بىلەدى. ءناپ­سى­لە­رىڭە ەرىپ ءادىل­دىك­تەن­ تايماڭدار. ەگەر جالعان ايتىپ، شىن­دىق­تان­ اۋىتقىساڭدار، اللا ءبارىبىر نە­ ءىس­تە­گەن­دە­رىڭ­دى­ تولىق ءبىلىپ تۇرادى» (قۇ­ران،­ 4:135). راس ەكەن. ەرىنبەي-جالىقپاي، ال­لا­نىڭ­ ءسوزىن ادامعا قاتە تاراتپايىق دەگەن ني­ەت­پەن­ قۇ­­ران­دى اقتارىپ شىقتىق. «نيسا» ءسۇ­رە­سىنىڭ 135­-اياتى حاليفا التايدىڭ اۋدارما­سى­ بويىنشا ءدال وسىنداي ماعىنادا. تەك بۇل جەردە ءسوي­لەمدى ءبۇ­گىن­گى­ سويلەۋ تىلىمىزگە بەيىمدەپتى. ءجون­ كوردىك. ۇعى­نىقتى بولسىن دەگەندەرى شى­عار.

ورە تۇرەگەلدى دەپ وتىرعان كىسىمىز اتىشۋلى، يس­­لام­ دىنىنە قارسى تالاي ناۋقانعا ۇيىتقى بول­عان­ اتىشۋلى پامەلا گەللەر قۇران ماتىندەرى مەن يس­لام­ عا­لىم­دارىنىڭ تۇسىندىرمەلەرىنەن ءۇزىندى كەل­تى­رىپ، ءوز ءۋاجىن العا تارتقان. سون­دا­عى­ ايتپاعى شا­ري­عات­ تالاپتارى امەريكالىق زاڭ­مەن­ ءۇش قايناسا سور­پا­سى­ قوسىلمايدى.

«كونستيتۋتسيا سەكىلدى باتىس قۇندىلىقتارى جە­كە­ تۇلعانىڭ قۇقىعىن قورعاۋعا نەگىزدەلگەن. ال، يسلام زاڭى بۇعان مۇلدەم كەرەعار» دەپتى گەللەر.

بىرجاقتى، سىڭار ەزۋ تۇسىنىككە بوي ال­دىر­عان گەللەر مۇنىمەن عانا شەكتەلمەي، شا­ري­عاتقا­­ «ادام ءومىرىنىڭ بارلىق قىرىن قام­تي­تىن،­ مۇ­سىل­مان­ ەمەستەرگە بيلىك جۇرگىزۋ ءۇشىن­ قۇرىلعان جان-جاقتى قۇقىق جۇيەسى» دەپ با­عا­ بەرىپتى.

سونداي-اق، «مۇسىلمان ەمەستەردى، ەڭ ال­دى­مەن­­ ەۆ­رەيلەر مەن حريستيانداردى كەمسىتۋ قۇ­ران­نىڭ­ «ادىلدىك تارازىسىنىڭ» اجىراماس بولىگى بولىپ تابىلادى» دەپ ساندالعان. «يەگىنىڭ استىنان ار­عى­نى كورە المايتىن گارۆارد زاڭ مەكتەبىنىڭ وكىل­دەرى مۇنى ءبىل­مەي­تىن شىعار نەمەسە ولارعا ءبا­رى­بىر مە؟» دەپ­ كوسەمسىگەن.

گارۆارد ۋنيۆەرسيتەتىنىڭ ىرگەتاسى 1636 جى­لى­ ماسساچۋسەتس شتاتىنداعى كەمبريدج­دە­ قا­لان­عان­. گارۆارد – اقش-تاعى ەڭ كونە، اتاق-ابىرويى جا­عى­نان دا الدىنا قارا سال­ما­عان جو­عارى وقۋ ورنى. ولار قۇران اياتىن ماڭ­داي­شا­سىنا بىلمەستىكپەن ءىلىپ­ قويدى دەسەڭىز، قات­تى قا­تە­لە­سە­سىز! بۇل – ءبىزدىڭ ويى­مىز.

ال الگى پامەلا گەللەر – ءوزىن-ءوزى ادام قۇ­قىعىن­­ قور­عاۋشىمىن دەپ جاريالاعان ادام ەكەن. ءارى «امە­ريكانى يسلام ەلىنە اينالدىرۋدى توق­تا­تاي­ىق» (Stop Islamization of America) دەگ­ەن ور­تالىقتىڭ ديرەكتورى دەسەدى.

ەربول جانات

پىكىر جازۋ

پوچتاڭىز جاريالانبايدى

17 + sixteen =