ӘМБЕБАП КЕРЕУЕТ

0 148

Астаналық дәрігер Марат Сүлейменовтің гинекология саласындағы бұл жаңалығы қоғамды біраз сілкіндіріп тастаған тәрізді. Соңғы кезде ол туралы жиі айтылып, жиі жазылып жүр.

Гинеколог маман әйелдердің жеңіл босануына мүмкіндік туғызатын жаңа кереует ойлап тауыпты.

Өзінің айтуынша, арнайы кереует жаңа­дан босанған ана мен оның сәбиінің денсау­лы­­ғына төнетін қауіптің алдын алатын кө­­­­рінеді.
Перзентханаларда бүгінгі таңда қолда­ны­лып жүрген Рахманов ке­реуеттерін за­­манға сай жаңарту ке­ректігін кез келген дә­­­­рігер ма­­­­құл­­дайды. Өйткені, мұндай ке­­­­ре­­­ует­тер­дің­ кей жағдайда ыңғай­сыз тұс­­тары да бар екен. Ал, өнер­тапқыш жұ­­мысының бас­ты­ ерек­ше­лі­гі­ – ке­ре­ует­ әйел­­­дің­ тік­ тұ­­­­­рып­­­ немесе жүрелей отырып босануы­на­ оңтайландырылған. Бұл хал­­қымызда ежелден келе жатқан босану тә­­сілі болып табылады. Бүгінде әлем меди­­ци­­на­­сы­­­ның өзі тұрып немесе тізерлеп отырып бо­­санудың жатып босанудан әлде­қайда же­­ңіл­­ әрі қауіпсіз екенін дәлелдепті.

Сүлей­­менов кереуеттің сызба­сын осыдан алты жыл бұрын жасап шығарыпты. Сосын оны жан-жақ­ты зерттеуге кіріседі.

Бүгінде Финляндия, Германия, Түркия, Италия елдерінің гинекология саласында ке­­реуеттің осы түрі кеңінен қолданылады екен. Бірақ, әрқайсысының өзіндік ерек­ше­­ліктері бар. Ал, біздің дәрігеріміздің ой­­лап тапқан үлгісі – солардың бәрінің же­­­­­тілдірілген түрі.
Мәселен, кереуеттің жанын­да бала жа­­та­тын жиналмалы тө­сек бар. Соны­мен қа­тар, тол­­ғақ кезінде көмекші дәрігердің жай­­ғасып отыратын орындығы да ойластырылған. Қыс­қасы, ке­реуетті жасауда дәрігер ұсақ-тү­йек керек-жабдықтың бәріне жете мән бер­ген тәрізді.

Марат Сүлейменовтің жоба­сы­ның та­­ғы бір тиімді тұсы меди­циналық құрал-жаб­­дықтар мен қажетті аппараттар сатып алуға жұмсалатын қаражатты 30-40 па­йыз­ға дейін үнемдеуге мүмкіндік береді екен. Мәселен, қазіргі қол­даныстағы ке­ре­ует­тер­дің­ біреуінің құны 22-35 мың доллар болса, Сү­­­лей­­­меновтің кереуетін жасап шығаруға 16 мың доллар жұм­салады екен.

Мамандар Марат Сүлейменовтің ұсы­ны­сы қоғам сұранысына сай келіп тұрғанын ай­тады. Өйткені, Астана қаласында туу көр­­сеткіші жылдан жылға жақсарып келеді.

Тек өткен жылдың ішінде қалада 18 мың­ға жуық бала дүниеге келді.

Таяуда дәрігердің бұл жобасы Ұлттық инновациялық қор ұйым­дастырған бай­қау­да 281 жұ­мыстың ішінен үздік деп та­бы­лып, бас жүл­деге тігілген жеті жарым мил­лион теңгені ұтып алды. Бұл қар­жыны ол­ алғашқы кереует жасауға жұмсамақшы.

Ал, Денсаулық сақтау ми­нистр­лігінің бас­шы­лары егер шын мә­нінде пайдасы болса, жаб­­дық­тар­дың алдағы уақытта қол­данысқа ен­гізілетінін айтады.

Шынар ДОСАН

Пікір жазу

Почтаңыз жарияланбайды

fifteen − 1 =