ALĞIS AYTILIP, QATAR KÖBEYDİ

0 106

«Nur Otan» halıqtıq demokratïyalıq partïyasınıñ qurılğanına 14 jıl toldı. Keşe osı aytwlı datağa oray partïyanıñ Astana qalalıq fïlïalında saltanattı jïın ötti.

«Nur Otan» HDP Astana qalalıq fïlïalı törağasınıñ birinşi orınbasarı Sapar Ahmetov saltanattı jïında bas qosqan äriptesterin partïya künimen quttıqtap, elordalıq partïya uyımı Memleket basşısı, «Nur Otan» halıqtıq demokratïyalıq partïyasınıñ törağası Nursultan Nazarbaevtıñ jetekşiligimen jürgizilip jatqan reformalardıñ qoldawşısı bola beretinin atap ötti. Elimizdiñ qoğamdıq-sayasï arenasında jetekşi orınğa ïe bolğan partïya bastamasımen atqarılğan türli şaralarğa belsendilikpen qatısqan astanalıqtarğa alğıs ayttı.

Bügingi tañda «Nur Otan» HDP Astana qalalıq fïlïalı ayasında 314 bastawış partïya uyımı jumıs isteydi. Olardıñ qatarında 38 mıñnan astam partïya müşesi bar. Partïya müşeleri är ulttıñ ökilderinen, türli mamandıq ïelerinen quralğan.

Saltanattı jïın barısında birqatar qoğamğa eñbegi siñgen azamattar partïya qatarına qabıldandı. Atap aytqanda, Qazaqstannıñ eñbek siñirgen qayratkeri, kompozïtor Keñes Düysekeev, belgili opera änşisi Qorlan Qalïlombekova, Astana qalası turğın üy ïnspekcïyası basqarmasınıñ bastığı Talğat Rısbekov, Almatı awdanınıñ äkimi Pavel Kwlagïn jäne basqaları boldı. Sonımen qatar bir top partïya belsendilerine «Nur Otan» HDP törağasınıñ birinşi orınbasarı Bawırjan Baybek pen Astana qalalıq fïlïalınıñ törağası Ï.Tasmağambetovtıñ atınan «Alğıs hattar»  tabıs etildi.

Osı jïınğa qatısqan QR Parlamenti Senatınıñ depwtatı, Astana qalasınıñ qurmetti azamatı Vladïmïr Redkokaşïn elordalıq äriptesterin partïyanıñ qurılğan künimen quttıqtap, elimizdiñ älewmettik-ekonomïkalıq damwındağı körsetkişter twralı, onıñ işinde elordamızdıñ jetistikterin bayandap, osı orayda «Nur Otan» halıqtıq demokratïyalıq partïyasınıñ atqarıp otırğan belsendi rölin atap ötti.

                                                                                     Ğalım QOJABEKOV

Pikir jazw

Poçtañız jarïyalanbaydı

5 × three =