ÄLEWMETTİK QOLDAW ÄLEWETİ

0 61

Bïıl köpbalalı otbasılardan şıqqan, jetim, ata-ana qamqorlığınsız qalğan balalardıñ, balalar üyinen tülep uşqan azamattardıñ joğarı oqw orındarında oqwına bölinetin qarjı köbeydi.

«Burın buğan künköris deñge­yiniñ üş eñ tömengi şegi qarastırılsa, qazir törtke deyin köbeydi. Soğan säykes, joğarı bilim alwğa nïetti osınday balalardıñ sanın köbeytwdi josparlap otırmız. Bügingi künde qujattardı qabıldap jatırmız. Olardı mektepterdiñ 44 tülegi tapsırıp ülgerdi. Sonıñ işinde bir ümitker – bala kezinen mügedek, 43 tülek köpbalalı otbasılardan şıqqan. Kelip tüsken materïaldardı tïisti komïssïya 25 tamızğa deyin qaraydı» dedi S. Nurğojïna.

Osı jılı atawlı älewmettik kömekti tağayındaw formatı özgergenin aytqan ol tïisti kömek 5669 otbasına berilgenin jetkizdi. Onıñ aytwınşa, ötken jıldıñ säykes kezeñinde bul kömekti
994 otbası ğana alğan. Sonday-aq üyde oqïtın mümkindigi şektewli balalarğa körsetiletin kömek köbeyip, 25250 teñgege jetti. YAğnï, burın 6 AEK bolsa, qazir 10 AEK boldı. Buğan qosa, köpbalalı otbasılar qattı otınmen qamtılatındardıñ sanatına qosıldı. Oğan bölinetin qarjı da 8 AEK-ten 16 AEK-ke köbeydi. Aqşağa şaqqanda bul-40400 teñge.

«Köpbalalı jäne mügedek bala tärbïelep otırğan otbasılarğa bir mïllïon teñgege deyingi qar­jını quraytın turğın üy sertïfïkattarın berwdi josparlap otırmız. Oğan jüzege asırılwı bastalğan «Baqıttı otbası» bağ­darlamasına qujattardı tapsır­ğan otbasılar qatısa aladı. Qazir atawlı älewmettik kömek alatın köpbalalı analarğa tegin stomatologïyalıq qızmet körsetwge konkwrs jürip jatır» dedi basqarma basşısı.

Eñbek, älewmettik qorğaw jäne köşi-qon komïtetiniñ Nur-Sultan qalası boyınşa departamenti mälimetinşe, qazirgi kezde elordada 25719 mümkindigi şektewli azamat turadı. Sonıñ 5316-ı – erekşe qajettiligi bar balalar. 9 mıñ mügedekke sawıqtırw qızmeti körsetildi. Mügedekter arbasımen qamtw sïyaqtı jumıstar da jürgizilip jatır. Ïnvataksï sanı da 23-ten 30 kölikke köbeytildi. Jıl sayın osı qızmet 3 mıñnan astam adamğa, sonıñ işinde bir mıñnan asa balağa körsetiledi.

Täwlik boyğı jäne kündizgi arnayı älewmettik kömek qızmetin alwşılardıñ sanı da 2015 jılmen salıstırğanda 17,6 payız­ğa, sonıñ işinde ükimettik emes sektorda 25 payızğa östi. Atalmış qızmetti 1300 adam körsetedi. «Şarapat», «Nurlı jürek», «Qamqor» älewmettik qızmet körsetw ortalıqtarı, qala äkimdiginiñ älewmettik qız­met körsetw ortalığı adamğa twğanınan qartayğanşa qızmet körsetedi. Keyingi ortalıq aşılğannan onıñ qızmetine jüginetin adamdar sanı 560-tan 1196 adamğa, yağnï eki eseden astamğa köbeydi.

«Qabıldanğan qızmet körsetw modeli öz nätïjesin berip kele jatır. Materïaldıq-tehnïkalıq baza jaqsarıp, älewmettik qızmetkerlerdiñ biliktiligi arttı. Sonıñ jarqın mısalı – sal awrwına şaldıqqan 24 bala ayaqqa turıp, alğaşqı qadamdarın jasadı. Budan burın bul mümkin emes edi» degen S. Nurğojïna älewmettik qızmet körsetw ortalıqtarınıñ jağdayı men olarda jasalıp jatqan isterden habar berdi.

Onıñ aytwınşa, Nur-Sultan qalası halıqtı jumıspen qamtw jağınan elde köş basında keledi. Memlekettik salalıq bağdarlamalardı jüzege asırw ayasında jäne jeke bastamalar arqasında 1111 jaña turaqtı jumıs ornı qurıldı. Sonıñ işinde, şağın bïznes salasında 10981 orın aşıldı. Osı salada jıldıñ ayağına deyin 19800 jumıs ornın qurw josparlanıp otır.

Pikir jazw

Poçtañız jarïyalanbaydı

12 + nine =