«Астана ақшамы»
Ел жүрегі – елорда шежіресі

Әлеуметтік комедия

0 55

Нұр-Сұлтан қаласы әкімдігінің Музыкалық жас көрер­мен театрында жаңа қойылымның тұсауы кесілді. Жазушы-драматург А.Островскийдің «Жылы орын» әлеуметтік комедиясы көрермен назарына ұсынылды. Премьераның шымылдығын театр директоры, Қазақстанның еңбек сіңірген қайраткері Асхат Маемиров ашып, «Жылы орын» қойылымы қазақ сахнасы кеңістігінде тұңғыш рет сахналанғалы тұрғанын айтты.

Қойылым2++

– Бұл қойылымның режиссері Мекан Джумабаев Түрікменстаннан келіп жұмыс істеуде. Бұл туынды осыдан 180-200 жыл бұрынғы кезеңді көз алдымызға әкелсе де, біздің қыз-жігіттер режиссерлік, сценографиялық шешіммен актерлердің ойыны арқылы ХХІ ғасырдағы жағдайды бейнелеуге тырысты. Әрине, көтеріліп отырған өзекті мәселелер өте маңызды. Себебі біздің Мемлекет басшысы Қасым-Жомарт Тоқаевтың «Жаңа Қазақстанның» жаңару мен жаңғыру жолы, болмыс-бітімі, келбеті қандай болмақ деген сұрағына жауап іздеп, қоғамдағы өзекті мәселелерді көрсеткен қойылым деп білемін, – деді театр директоры.

Қойылымның қоюшы-режиссері және сценографы Мекан Джумабаев­тың айтуынша, кез келген қоғамда мұндай мәселелер болады. Соны қойылым арқылы жеткізу керек.

– Қойылымның мақсаты – көрер­менге әділдікті, шынайылықты түсіндіру. Қоғам дамуы үшін әр адам әділет үшін күресу керек. Кез келген өзгеріс өзімізден басталады. Жалпы туындының мақсаты да осы, – деді қоюшы-режиссер.

Әлеуметтік комедия 1856 жылы жазылған. Қойылымда генерал Вышневскийден бастап Юсов, Белогубов, Жадов секілді әртүрлі дәрежедегі кейіпкерлер бар. Әлеуметтік комедияда әлеумет пен қоғам шындығы, парақорлық салдары көрсетілді.

 

 

Пікір жазу

Почтаңыз жарияланбайды