Älemge qurmetti tulğa

0 39

Qazaqstannıñ Tuñğış Prezïdentiniñ atına Elorda küni men Nursultan Nazarbaevtıñ 80 jıldıq mereytoyına oray köptegen quttıqtaw hattar kelip tüswde.

Resey Federacïyasınıñ Prezïdenti Vladïmïr Pwtïn Elbasına arnayı beynequttıqtaw joldadı.
«Men bizdiñ köpjıldıq dostığımızdı qadirleymin jäne maqtan tutamın. Alğaşqı kezdeswimizden bastap aramızda aşıqtığımen jäne kez kelgen kürdeli mäselelerdi birlesip şeşwge dayın bolwımızben erekşelenetin şınayı joldastıq qarım-qatınas ornadı.
Sizdiñ danalığıñız ben köregendigiñizdi, zor jawapkerşiligiñiz ben salmaqtılığıñızdı, ömirlik jäne basqarw täjirïbeñizdi barşa jurt moyındadı. Siz öz eliñizde jäne Reseyde, sonday-aq bükil älemde körnekti memleket qayratkeri jäne nağız köşbasşı retinde joğarı bedelge ïe boldıñız. Osı jıldardıñ işinde Siz ulttıq kelisimdi, tarïhï, mädenï dästürlerdi saqtay otırıp, Qazaqstannıñ turaqtı damwına, bolaşaqqa nıq senimmen qadam baswına zor eñbek siñirdiñiz» dedi Vladïmïr Pwtïn.
Özbekstan Respwblïkasınıñ Prezïdenti Şavkat Mïrzïeev öz hatında Memleket basşısı retindegi uzaq merzimdi jäne jemisti qızmeti barısında Elbası tek Qazaqstanda ğana emes, halıqaralıq arenada da zor qurmet pen bedelge ïe bolğanın atap ötti.
Ïspanïya Koroli Felïpe jedelhatında Nursultan Nazarbaevtıñ Qazaqstan Respwblïkasınıñ qalıptaswı men damwına, halıqtıñ äl-awqatın qamtamasız etwge qosqan ülesin erekşe atap ötti.
«Osı mümkindikti paydalana otırıp, Sizge Ïspanïyağa degen erekşe köñiliñiz ben bizdiñ elderimizdiñ arasındağı berik qatınastarğa qol jetkizwge qosqan jeke ülesiñiz üşin alğıs aytamın. Sonday-aq Sizge zor qurmetimdi bildiremin» delingen Ïspanïya Koroliniñ quttıqtawında.
Monako knyazi II Al'ber Elbasın mereytoyımen quttıqtap, Nursultan Nazarbaevqa jäne Qazaqstan halqına mıqtı densawlıq pen baq-bereke tiledi.
Moldova Respwblïkasınıñ Prezïdenti Ïgor' Dodon Qazaqstannıñ Tuñğış Prezïdentiniñ joğarı sayasï bedeli aldağı waqıtta da eldiñ turaqtı damwına qızmet etetinine senim bildirdi.
Çehïya Respwblïkasınıñ Prezïdenti Mïloş Zeman öziniñ jedelhatında Nursultan Nazarbaevtıñ täwelsiz Qazaqstannıñ damwı jolındağı siñirgen eñbegin atap ötti.
Awğanstan Ïslam Respwblïkasınıñ Prezïdenti Aşraf Ğanï öz jedelhatında Elbasınıñ ekijaqtı qatınastardı damıtwğa jäne memleketaralıq ıntımaqtas­tıqtı nığaytwğa qosqan erekşe ülesin atap ötti.
Ïzraïl' Memleketiniñ Prem'er-Mïnïstri ­Bïn'yamïn Netan'yahw Elbasın mereytoyımen quttıqtap, eki el arasındağı qatınastardıñ odan äri nığaya tüsetinine senim bildirdi.

Pikir jazw

Poçtañız jarïyalanbaydı

16 − six =