الەمگە قۇرمەتتى تۇلعا

0 39

قازاقستاننىڭ تۇڭعىش پرەزيدەنتىنىڭ اتىنا ەلوردا كۇنى مەن نۇرسۇلتان نازارباەۆتىڭ 80 جىلدىق مەرەيتويىنا وراي كوپتەگەن قۇتتىقتاۋ حاتتار كەلىپ تۇسۋدە.

رەسەي فەدەراتسياسىنىڭ پرەزيدەنتى ۆلاديمير پۋتين ەلباسىنا ارنايى بەينەقۇتتىقتاۋ جولدادى.
«مەن ءبىزدىڭ كوپجىلدىق دوستىعىمىزدى قادىرلەيمىن جانە ماقتان تۇتامىن. العاشقى كەزدەسۋىمىزدەن باستاپ ارامىزدا اشىقتىعىمەن جانە كەز كەلگەن كۇردەلى ماسەلەلەردى بىرلەسىپ شەشۋگە دايىن بولۋىمىزبەن ەرەكشەلەنەتىن شىنايى جولداستىق قارىم-قاتىناس ورنادى.
ءسىزدىڭ دانالىعىڭىز بەن كورەگەندىگىڭىزدى، زور جاۋاپكەرشىلىگىڭىز بەن سالماقتىلىعىڭىزدى، ومىرلىك جانە باسقارۋ تاجىريبەڭىزدى بارشا جۇرت مويىندادى. ءسىز ءوز ەلىڭىزدە جانە رەسەيدە، سونداي-اق بۇكىل الەمدە كورنەكتى مەملەكەت قايراتكەرى جانە ناعىز كوشباسشى رەتىندە جوعارى بەدەلگە يە بولدىڭىز. وسى جىلداردىڭ ىشىندە ءسىز ۇلتتىق كەلىسىمدى، تاريحي، مادەني داستۇرلەردى ساقتاي وتىرىپ، قازاقستاننىڭ تۇراقتى دامۋىنا، بولاشاققا نىق سەنىممەن قادام باسۋىنا زور ەڭبەك ءسىڭىردىڭىز» دەدى ۆلاديمير پۋتين.
وزبەكستان رەسپۋبليكاسىنىڭ پرەزيدەنتى شاۆكات ميرزيوەۆ ءوز حاتىندا مەملەكەت باسشىسى رەتىندەگى ۇزاق مەرزىمدى جانە جەمىستى قىزمەتى بارىسىندا ەلباسى تەك قازاقستاندا عانا ەمەس، حالىقارالىق ارەنادا دا زور قۇرمەت پەن بەدەلگە يە بولعانىن اتاپ ءوتتى.
يسپانيا كورولى فەليپە جەدەلحاتىندا نۇرسۇلتان نازارباەۆتىڭ قازاقستان رەسپۋبليكاسىنىڭ قالىپتاسۋى مەن دامۋىنا، حالىقتىڭ ءال-اۋقاتىن قامتاماسىز ەتۋگە قوسقان ۇلەسىن ەرەكشە اتاپ ءوتتى.
«وسى مۇمكىندىكتى پايدالانا وتىرىپ، سىزگە يسپانياعا دەگەن ەرەكشە كوڭىلىڭىز بەن ءبىزدىڭ ەلدەرىمىزدىڭ اراسىنداعى بەرىك قاتىناستارعا قول جەتكىزۋگە قوسقان جەكە ۇلەسىڭىز ءۇشىن العىس ايتامىن. سونداي-اق سىزگە زور قۇرمەتىمدى بىلدىرەمىن» دەلىنگەن يسپانيا كورولىنىڭ قۇتتىقتاۋىندا.
موناكو كنيازى II البەر ەلباسىن مەرەيتويىمەن قۇتتىقتاپ، نۇرسۇلتان نازارباەۆقا جانە قازاقستان حالقىنا مىقتى دەنساۋلىق پەن باق-بەرەكە تىلەدى.
مولدوۆا رەسپۋبليكاسىنىڭ پرەزيدەنتى يگور دودون قازاقستاننىڭ تۇڭعىش پرەزيدەنتىنىڭ جوعارى ساياسي بەدەلى الداعى ۋاقىتتا دا ەلدىڭ تۇراقتى دامۋىنا قىزمەت ەتەتىنىنە سەنىم ءبىلدىردى.
چەحيا رەسپۋبليكاسىنىڭ پرەزيدەنتى ميلوش زەمان ءوزىنىڭ جەدەلحاتىندا نۇرسۇلتان نازارباەۆتىڭ تاۋەلسىز قازاقستاننىڭ دامۋى جولىنداعى سىڭىرگەن ەڭبەگىن اتاپ ءوتتى.
اۋعانستان يسلام رەسپۋبليكاسىنىڭ پرەزيدەنتى اشراف عاني ءوز جەدەلحاتىندا ەلباسىنىڭ ەكىجاقتى قاتىناستاردى دامىتۋعا جانە مەملەكەتارالىق ىنتىماقتاس­تىقتى نىعايتۋعا قوسقان ەرەكشە ۇلەسىن اتاپ ءوتتى.
يزرايل مەملەكەتىنىڭ پرەمەر-ءمينيسترى ­بينيامين نەتانياحۋ ەلباسىن مەرەيتويىمەن قۇتتىقتاپ، ەكى ەل اراسىنداعى قاتىناستاردىڭ ودان ءارى نىعايا تۇسەتىنىنە سەنىم ءبىلدىردى.

پىكىر جازۋ

پوچتاڭىز جاريالانبايدى

5 × 3 =