Älem sahnalarına sän bergen

0 31

«Astana Operanıñ» jetekşi solïsi, Qazaqstannıñ eñbek siñirgen qayratkeri, köptegen halıq­aralıq balet bayqawınıñ Gran-prï ïegeri Baqtïyar Adamjan älem sahnaların bağındırwda.

Qazaqstandıq juldızdıñ balettik mawsımı tamız ayında Ïtalïyada bastaldı, onda ol «Roberto Bolle jäne onıñ dostarı» ataqtı Gala-koncertinde öner körsetti. Al qırküyektiñ 14, 15, 16 künderi Baqtïyar Adamjan Rïm operası teatrınıñ ğalamat prem'erası – äygili horeograf Rolan Petïdiñ «Parïj Quday anasınıñ soborı» baletinde Kvazïmodo partïyasın keremet orındadı. Ärtisimizdiñ önerin Resey, YAmayka jäne Avstralïya elderi asığa kütwde.
Tanımal bïşi talğampaz körermenderdiñ, sınşılar men baspasözdiñ nazarın özine awdarwda. «Keş şımıldığı Rïkkardo Drïgonıñ mwzıkasına jazılğan Marïws Petïpanıñ horeografïyasındağı «Korsarmen» aşıldı, sahnada – tañğajayıp Baqtïyar Adamjan. Ol öziniñ jıldam qïmıldarımen, usaq tehnïkasımen äri üylesimdi qozğalısımen birge keñ adımmen qalıqtay tüsken sekirwlerimen körermen narazın jawlap aldı…» dep jazdı La Voce di New York ïnternet-gazetine amerïkalıq tilşi Marïya- Tereza Antonïoccï.
2 jäne 3 tamız künderi B.Adamjan 15 000 körermenge şaqtalğan ataqtı Arena dï Verona sahnasında ïtalïyalıq festïval' ayasında «Juldız­dar aptasın» tämamdağan «Roberto Bolle jäne onıñ dostarı» attı eki gala-koncertte öner körsetti.
– Bul Gala- balette öner körsetwge ärkimdi şaqıra bermeydi. Ondağı balet şowına qatısw üşin ärdayım tınbay eñbek etemin. Meni gala-balettiñ tehnïkalıq, jarqın jağın körsetw üşin şaqıradı, mağan kürdeli klassïkalıq pa-de-delerdi usındı. Men suranısqa ïe älemniñ eki juldızı – Vena operasınıñ prïma-balerïnası Lyudmïla Konovalova jäne Nïderlandı Ulttıq baletiniñ prïma-balerïnası Mayya Mahatelïmen birge öner körsettim. Osınday tanımal balerïnalarğa sahnada serik bolwdı senip tapsırğandarı meni qwantadı. Roberto Bolle – ülken käsipqoy, ärtisterdi özi irikteydi, eger bir ret öner körsetwiñ naşar bolsa, ol endi qaytıp seni şaqırmaydı. Sebebi mıñdağan awdïtorïyamen jumıs jürgiziledi, ol qaşan da anşlagpen ötetin tolı zaldardı jïnaydı, – dep äñgimeledi Baqtïyar Adamjan.
B.Adamjannıñ instagram paraqşasına jazılğandardıñ jalpı sanı – 19 mıñ adam, onıñ 5 mıñı – ïtalïyalıq­tar. Olardıñ barlığı türli pikirler qaldırıp, san alwan suraqtar qoyadı. «Onıñ önerin qay qaladan jäne qay elden tamaşalawğa boladı?» degen pikir köp jazıladı. Ärtistiñ jumıs kestesi bir jıl alğa josparlanğan, biraq ondağı bastı el – Qazaqstan bolıp qala bermek.
– Qazan ayında men Andrïs Lïepanıñ şaqırtwımen Kreml' sarayınıñ sahnasında öner körsetwdi josparlap otırmın. Meni 16 jeltoqsan küni YAmaykada öner körsetwge şaqırdı, biraq äli jawabımdı bergen joqpın, sebebi bïıl Qazaqstan Täwelsizdigine 30 jıl tolatındıqtan, bul kündi öz Otanımda atap ötkim keledi. Qañtarda The Ballet International Gala jobasına qatısw üşin Avstralïyağa baramın. Koncertke Avstralïyanıñ Memleket basşısı köñil bölgen, onıñ tapsırması boyınşa älemdik teatrlar gastrol'dik saparmen öner körsetetin üzdik alañ jasaqtalğan. Seriktes retinde öner körsetw üşin trwppamızdıñ bïşisi Şuğıla Ädephanğa usınıs jasadım. Mümkindiginşe, qazaqstandıq balettiñ joğarı deñgeyin paş etw üşin özimizdiñ balerïnalarımız­ben ıntımaqtas bolwğa tırısamın, – dep qorıtındıladı Baqtïyar Adamjan.

Köktem QARQIN

Pikir jazw

Poçtañız jarïyalanbaydı

13 − ten =