Алда плей-офф

Үлкен теннистен Федерация кубогының екінші әлемдік тобының плей-офф кезеңіне жалғыз жолдаманы сарапқа салған жарыстың финалдық ойынында өзбекстандық Нигина Абдураимовамен кортқа шыққан жерлесіміз Ксения Первак өз мүмкіндігін мүлт жібермей, жеңіске жетті.

Азия және мұхиттар ай­мағынан же­ті мемлекет бақ сы­на­ған сайыс­­тың финал­дық ке­­зе­­ңін­де қазақ­стан­дық тен­­нисші қыздар Өзбек­стан аруларына қар­сы өнер көр­сетті. Осы кездесу барысында біздің Ксения Первак өз­бекстандық теннисші Нигина Аб­ду­раимовамен ракетка қағыстырған. Бірін­ші сеттегі кездесу қазақ­стандық спортшы қыз­ға табыс әкелген бола­тын. Өзіне нық се­німді Первак екінші кезең­де де белсенділік таны­тып, есепті 6:0-ге жет­кізді. Екі сетте де артта қалып келе жатқан Абдураимова осы жерде ес жиды. Ксенияның қимылы қарсыласына қарағанда ширай тү­сіп, есеп қысқартып үл­герді. Үзілістен соң, кортқа қайта орал­ған біздің Ксения кез­де­судің үшінші бөлігінде айқын басымдылық танытып, Қазақстан құ­рамасына Федерация кубогын сыйға тартты.

Ербол ЖАНАТ