ALAŞTANWŞI AKADEMÏK ARDAQTALDI

0 163

Astanadağı Ulttıq akademïyalıq kitap­hanada Alaş partïyası men Alaş Orda ükimetiniñ 100 jıldığına arnalğan «Keñes Nurpeyisulınıñ Alaş tarïhına qosqan ülesi» attı ğılımï-täjirïbelik konferencïya ötti.

Konferencïyağa Ädil Ahmetov, Bolat Kömekov, Ğarïfolla Esim, Kamal Burhanov, Bürkitbay Ayağan, Şerwbay Qurmanbayulı sekildi elge tanımal ğalımdar qatıstı.  Talanttı tulğanıñ otandıq tarïh ğılımındağı ornı erekşe. Ol uzaq jıldar boyı Qazaqstan Ulttıq ğılım akademïyasınıñ Tarïh jöne etnologïya ïns­tïtwtında qızmet istedi. Qatardağı kişi ğılımï qızmetkerden akademïkke deyingi joldan ötti.

6667

Äsirese, ğïbrattı ğalımnıñ Alaş qozğalısı tarïhı jöninde jazğan eñbekterin daralap aytwğa boladı. HH ğasırdıñ basındağı halqımız bastan keşken oqïğalarğa jañaşa oy jiberip, kürdeli däwirdiñ tereñine üñildi. Sol zamanda ğumır keşip, otarlıq jüyege qarsı şıqqan alaş azamattarın aqtawda qızıl ükimettiñ qwğın-sürgin sayasatın arhïvtik derektermen zerdeledi. Sonıñ bäri «Alaş häm Alaşorda» attı kitabında parasattı däyektelgen. Bul keyingi alaştanwşılarğa bağdar bolatın qundı dünïe dep sanaymız.

Jas bwınğa arnap alaş partïyasınıñ sayasï mäni men mazmunı jayında salmaqtı eñbekter jazdı. Onıñ 20-dan asa monografïyası men 600-ge jwıq ğılımï-zerttew maqalası jarıq kördi.1982 jılı Qazaqstan tarïhınıñ 5 tomdıq ujımdıq jïnağın şığarwdağı eñbegi üşin Memlekettik sıylıqtıñ lawreatı atandı. Ol kisi qatardağı ğalım bolıp ğana qalmay, öziniñ ğılımï mektebin qalıptas­tırğan ulağattı ustaz. Ol 10-nan asa ğılım doktorı men 40-qa jwıq ğılım kandïdatın tärbïeledi. Büginde olardıñ bäri de tarïh ğılımınıñ aldıñğı sapında keledi.

Tağılımğa tolı şara barısında akademïkke arnalğan «ğılım» zalı aşıldı. Onıñ lentasın belgili ğalımdar Ädil Ahmetov, Bolat Kömekov, Ğarïfolla Esim qïdı. Sonımen birge asıl azamattıñ urpaqtarı kitaphanağa ğalımnıñ 3700-ge tarta kitabı men jeke murağatındağı zattarın tabıs etti. Tektiniñ tuyağı, ğalım Taldıbek Nurpeyis äkesiniñ ömir jolı jayında salïqalı oy sabaqtadı.

Azamat ESENJOL

Pikir jazw

Poçtañız jarïyalanbaydı

five + 19 =