Алақай, балақай!

0 268

Ақпанның 15-інен бері №61 орта мектепте бөбектерді бала­бақшаға топтау жүргізілуде. Алғаш рет қаладағы 91 мемлекеттік балабақшаға 8 мыңдай бала қабылданбақ. Соның ішіндегі 5 мекеме жаңадан ашылса, 1-еуі – жапсарласа салынған 60 орындық ғимарат. 

Елорда тұрғындарына кезек нөмірлері қабылдау кестесіне сәйкес болғанда ғана жолдама беріледі. Егер кезекте тұрғандар балабақшадағы орыннан бас тартса, Білім басқармасы жаңадан қосымша топтау жариялайды. Ол биылғы 30 наурызға дейін жалғасады.

Осы жылдың наурыз айында 240 және 280 орындық 5 балабақша пайдалануға тапсырылады. Олар – Орынбор көшесіндегі №86 «Қадыр», Комсомол кентінің Ұлпан көшесіндегі №88 «Баян сұлу», Комсомол кентінің Қыз Жібек көшесіндегі №89 «Қыз Жібек», Сығанақ көшесіндегі №90 «Еркежан», «Үркер» шағынауданындағы №91 «Еңлік» балабақшалары мен №4 «Аружан» балабақшасына жапсарласа салынған ғимарат. Әрбір мектепалды мекемеде сөйлеуі бұзылған, аутизмі және психологиялық тежелуі бар бүлдіршіндерге арналған топ құрылады.

Мүгедек кісілердің заңды қамқор­лы­ғындағы, жетім немесе ата-ана қам­қор­лығынан айырылған, көпбалалы отбасыдан шыққан, әскери қызметшілердің балаларына орын кезектен тыс беріледі. Аталған санатқа жататын ұл-қыздарға 1,5 мың орын бөлінді.

astana-akshamy.kz

Пікір жазу

Почтаңыз жарияланбайды

three + 19 =