Al'bïonnan Almattıñ almağı bar

0 130

Endi bir aydan keyin Londonda jazğı Olïmpïada oyındarınıñ jalawı jelbireydi. Älemdegi eñ üzdik sayıpqırandarı sayısqa tüsedi. Tört jılda bir ret ötetin dübirli dodağa Qazaqstan sportşıları da qızw dayındalıp jatır.

El namısın qorğaytın ulttıq quramanıñ sapında elordalıq sportşılar da bar. Sonıñ biri – grek-rïm küresiniñ şeberi, astanalıq Almat Kebisbaev. Mektep qabırğasın attağan sätten boz kilemge arbalğan darındı bala 2001 jılı Astana qalasındağı Qajımuqan atındağı respwblïkalıq sport mektep-ïnternatına qabıldanadı. Bapkeri Meyirhan Rahmetov öz şäkirtiniñ tabïğï talantı men eñbekqorlığına zor senimmen qarap, erinbey jattığa berse, älemdik jarıstarda el namısın qorğaytın balwan bolıp ösetinine ümitpen qaraytın edi.

Bilikti bapkerdiñ ümiti de, senimi de aldanğan joq. Almat Kebisbaev jasöspirimder men jastar arasındağı Qazaqstan çempïonatında birneşe ret qatarınan jeñimpaz atanıp, öziniñ ulttıq quramağa da layıqtı sportşı ekenin däleldey tüsti. Soñğı üş-tört jılda öz salmağında qarsılas şaq keltirmeytindey boldı.

2009 jılı Azïya çempïonatında kümis medal' alsa, 2011 jılğı qurlıq birinşiliginde altın jüldeger atandı. Kişi älem çempïonatına balanatın Ïvan Poddwbnıydıñ Gran-prï twrnïrinde jeñimpaz bolıp, qazaq küresiniñ älewetin älemge tağı bir däleldep körsetkeni esimizde. Odan keyin tuñğış ret eresekter arasındağı älem çempïonatında bağın sınap, qola jüldemen oraldı. 2011 jıl Almat üşin eñ sındarlı jıl bolğanı anıq. Olay deytinimiz, barlıq sport türleri boyınşa London olïmpïadasına iriktew jarıstarı ötip, nağız mıqtılar öz elderiniñ namısın qorğaw baqıtına ïe bolıp jattı.

Osınday şeşwşi jarıs astanalıq Almat Kebisbaev üşin Türkïyada ötken älem çempïonatı boldı. Älemniñ kil mıqtıları küş sınasqan çempïonatqa astanalıq erekşe dayındalıp kelgeni ayqın edi. Ol fïnalğa deyingi tört qarsılasın bet qaratpay uttı. Alayda eñ soñğı beldeswde Ïran balwanı Omïd Nawrwzïge jol berip qoydı.

Söytip, Almat eki ret qatarınan älem çempïonatınıñ jüldegeri atandı. Al Stambulda ötken jarıstıñ qorıtındısında Almat Kebisbaev London olïmpïadasına lïcenzïya aldı.

Almattıñ Londondağı beldeswi 6 tamız küni ötetin boladı. Osı kün astanalıq balwan üşin sätti bolwın tilep, Qazaqstan twı jüldegerler qatarınan körinedi dep ümitpen qaraymız.

Ğalım QOJABEKOV

Pikir jazw

Poçtañız jarïyalanbaydı

17 + 1 =