اكادەميككە قۇرمەت كورسەتتى

0 89

جاقىندا كورنەكتى انتروپولوگ، ۇلتتىق عىلىم اكادەمياسىنىڭ اكادەميگى ورازاق سماعۇلوۆ اقساقال توقسان جاسقا تولدى. ايتۋلى تۇلعانىڭ وسى مەرەيتويىنا وراي ل.گۋميلەۆ اتىنداعى ەۋرازيا ۇلتتىق ۋنيۆەرسيتەتىندە عالىم قىزى ايناگۇلمەن بىرلەسىپ جازعان «قازاق حالقى جانە اتا تەگى» اتتى جاڭا كىتابىنىڭ تانىستىرىلىمى بولدى.

بۇل عىلىمي ەڭبەكتە اكادەميكتىڭ ەلۋ جىلعا جۋىق جيناقتاعان ماتەريالدارى نەگىزىندە قازاقتاردىڭ بەت-بەينەسى، قان جۇيەسى، ءتىس مورفولوگياسى، تەرى بەدەرلەرى مەن قاڭقا سۇيەكتەرىنە جاسالعان سالىستىرمالى زەرتتەۋلەرىنىڭ عىلىمي تۇجىرىمداسى توپتاستىرىلعان. مۇنىمەن قوسا، ول بايىرعى قازاقتىڭ اتامەكەنى مەن ونىڭ تۇرعىندارىنىڭ شىعۋ تەگىنە، ولاردىڭ تاريحي-بيولوگيالىق دامۋىنا بايلانىستى ەتنوانتروپولوگياسىنا، تۇركىتەكتەس حالىقتاردىڭ لينگۆيستيكاسى مەن انتروپولوگياسىنا ارنالعان. اتالعان كىتاپتا قازىرگى قازاقستان جەرىندە مەكەن ەتكەن كونە زامان تۇرعىندارىنىڭ ءۇزىلىسسىز ءناسىل-تەك جالعاس­تىعىنىڭ كورىنىسى بۇگىنگى قازاق حالقىنىڭ مورفوفيزيولوگيالىق قۇرىلىمىندا ونىڭ ءتۇپ-تۇقيانىنىڭ انتروپولوگيالىق ەرەكشەلىكتەرى ەجەلگى قازاق اتامەكەنىنىڭ قولا داۋىرىنەن باستاپ كەشەگى XX عاسىرعا دەيىن، ياعني 40 عاسىر بويى، ايتارلىقتاي دەڭگەيدە ساقتالىپ قالعانى باياندالادى.
مازمۇندى شارا بارىسىندا ۋنيۆەرسيتەت رەكتورى ەرلان سىدىقوۆ اكادەميكتى توقسان جاسقا تولۋىمەن جانە جارىققا شىققان كىتابىمەن قۇتتىقتاي كەلە، عيبراتتى عالىمنىڭ ونەگەلى ءومىر جولىن ايتا كەلىپ، ەلىمىزدە انتروپولوگيا عىلىمى ءالى دە دامىماعاندىعىنا نازار اۋداردى. وسى رەتتە ورازاق سماعۇلوۆتىڭ عىلىمي مەكتەبى مەن عىلىمي جوبالارىنا مەملەكەت تاراپىنان قولداۋ قاجەتتىگىن جەتكىزدى. ءسوز سوڭىندا رەكتور عىلىمي كەڭەستىڭ شەشىمىمەن اكادەميككە ل.گۋميلەۆ اتىنداعى ەۋرازيا ۇلتتىق ۋنيۆەرسيتەتىنىڭ «قۇرمەتتى پروفەسسورى» اتاعى بەرىلگەندىگىن ايتىپ

پىكىر جازۋ

پوچتاڭىز جاريالانبايدى

nineteen − 1 =