Aytwlı şaralar añdatpası

0 108

QR Prezïdenti janındağı Ortalıq kommwnïkacïyalar qızmetiniñ resmï ökili Altay Äbïbwllaev düysenbi sayın ötetin dästürli brïfïngte aldağı künderde elimizde bolatın aytwlı şaralar jöninde bayandadı.

Mañızdı şaralar tizbegine şolw jasağan Altay Äbïbwllaev sözin Ükimet qabırğasında bolatın jañalıqtardan bastadı. Bügingi Mïnïstrler kabïnetiniñ otırısında elimizdegi qurılıs ïndwstrïyasınıñ damw mäselesi men «Qoljetimdi baspana – 2020» bağdarlamasınıñ orındalw barısı talqılanbaq. Sonday-aq, qwat közderin ünemdi paydalanw, osı salanıñ bügini men bolaşağı töñireginde QR Prem'er-mïnïstriniñ orınbasarı-Ïndwstrïya jäne jaña tehnologïyalar mïnïstri Äset Ïsekeşev bayandama jasaytın boladı.

16 mamırda QR Prem'er-mïnïstriniñ birinşi orınbasarı-Öñirlik damw mïnïstri Baqıtjan Sağıntaev jumıs saparımen Oñ­tüstik Qazaqstan oblısına attanadı.

15 mamırda QR Ükimeti men Esep palatası QR Parlamenti Senatına 2012 jıldıñ byud­jeti qalay orındalğanı jöninde esep beredi.
Al, elimizdiñ sırtqı sayasatına kelsek, keşe Sırtqı ister mïnïstri Erlan Idı­rı­sovtıñ Ïspanïyağa tuñğış resmï saparı bastaldı. Sapar barısında mïnïstr Ïspa­nïya koroli Hwan Karlos İ jäne osı eldiñ qos palatası törağaları men Sırtqı ister mï­nïstrimen kezdesip, özara kelissözder ötkizbek. Bïıl küzde elimizge Ïspanïya Ko­rol'diginiñ prem'er-mïnïstri Marïano Rahoy resmï saparmen keledi dep kütilwde. Osığan baylanıstı qanday mäselege erekşe nazar awd­arw qajettigi jöninde de kelissözder barısında saraptalatın boladı.

Mïnïstr Erlan Idırısov sonday-aq, 14-16 mamır künderi Portwgalïya Respwblïkasına resmï saparmen attanıp, osı eldiñ prezïdenti Anïbal Kavakw Sïlvamen jäne Portwgalïya Assambleyasınıñ (parlament) törağasımen, Sırtqı ister mïnïstrimen ekijaqtı kelissözder jürgizwdi közdewde.

Qımbat NURĞALÏ

Pikir jazw

Poçtañız jarïyalanbaydı

three + 7 =