ايتۋلى شارالار اڭداتپاسى

0 108

قر پرەزيدەنتى جانىنداعى ورتالىق كوممۋنيكاتسيالار قىزمەتىنىڭ رەسمي وكىلى التاي ابيبۋللاەۆ دۇيسەنبى سايىن وتەتىن ءداستۇرلى بريفينگتە الداعى كۇندەردە ەلىمىزدە بولاتىن ايتۋلى شارالار جونىندە باياندادى.

ماڭىزدى شارالار تىزبەگىنە شولۋ جاساعان التاي ابيبۋللاەۆ ءسوزىن ۇكىمەت قابىرعاسىندا بولاتىن جاڭالىقتاردان باستادى. بۇگىنگى مينيسترلەر كابينەتىنىڭ وتىرىسىندا ەلىمىزدەگى قۇرىلىس يندۋسترياسىنىڭ دامۋ ماسەلەسى مەن «قولجەتىمدى باسپانا – 2020» باعدارلاماسىنىڭ ورىندالۋ بارىسى تالقىلانباق. سونداي-اق، قۋات كوزدەرىن ۇنەمدى پايدالانۋ، وسى سالانىڭ بۇگىنى مەن بولاشاعى توڭىرەگىندە قر پرەمەر-ءمينيسترىنىڭ ورىنباسارى-يندۋستريا جانە جاڭا تەحنولوگيالار ءمينيسترى اسەت يسەكەشەۆ بايانداما جاسايتىن بولادى.

16 مامىردا قر پرەمەر-ءمينيسترىنىڭ ءبىرىنشى ورىنباسارى-وڭىرلىك دامۋ ءمينيسترى باقىتجان ساعىنتاەۆ جۇمىس ساپارىمەن وڭ­تۇستىك قازاقستان وبلىسىنا اتتانادى.

15 مامىردا قر ۇكىمەتى مەن ەسەپ پالاتاسى قر پارلامەنتى سەناتىنا 2012 جىلدىڭ بيۋد­جەتى قالاي ورىندالعانى جونىندە ەسەپ بەرەدى.
ال، ەلىمىزدىڭ سىرتقى ساياساتىنا كەلسەك، كەشە سىرتقى ىستەر ءمينيسترى ەرلان ىدى­رى­سوۆتىڭ يسپانياعا تۇڭعىش رەسمي ساپارى باستالدى. ساپار بارىسىندا مينيستر يسپا­نيا كورولى حۋان كارلوس ءى جانە وسى ەلدىڭ قوس پالاتاسى توراعالارى مەن سىرتقى ىستەر مي­نيسترىمەن كەزدەسىپ، ءوزارا كەلىسسوزدەر وتكىزبەك. بيىل كۇزدە ەلىمىزگە يسپانيا كو­رولدىگىنىڭ پرەمەر-ءمينيسترى ماريانو راحوي رەسمي ساپارمەن كەلەدى دەپ كۇتىلۋدە. وسىعان بايلانىستى قانداي ماسەلەگە ەرەكشە نازار اۋد­ارۋ قاجەتتىگى جونىندە دە كەلىسسوزدەر بارىسىندا ساراپتالاتىن بولادى.

مينيستر ەرلان ىدىرىسوۆ سونداي-اق، 14-16 مامىر كۇندەرى پورتۋگاليا رەسپۋبليكاسىنا رەسمي ساپارمەن اتتانىپ، وسى ەلدىڭ پرەزيدەنتى انيبال كاۆاكۋ سيلۆامەن جانە پورتۋگاليا اسسامبلەياسىنىڭ (پارلامەنت) توراعاسىمەن، سىرتقى ىستەر مينيسترىمەن ەكىجاقتى كەلىسسوزدەر جۇرگىزۋدى كوزدەۋدە.

قىمبات نۇرعالي

پىكىر جازۋ

پوچتاڭىز جاريالانبايدى

two × 2 =