Әйел – отбасы шамшырағы

0 148

Астана қаласы Дін істері жөніндегі басқар­масы мен қала әкімдігінің дін проблемаларын зерттеу орталығы «Әйел – отбасы шамшырағы» атты шара өткізді. Әйел­дердің қоғамдағы рөлі, отбасы құн­дылығы мен болашақ ұрпақ тәрбиесіндегі ұлттық дәс­түріміздің құнды­лықтарымен ұштастыру өнегесін тал­даған тақырыпта өткен жиынға қоғам қайраткері Оразгүл Асанғазы, «Әзірет Сұлтан» мешітінің әйел жамағатының ұс­таздары Ақбөпе Тілегенова және басқа да қа­лалық басқармалардың өкілдері қатысты.

Қазіргі кездегі тас­танды сәбилер мен әлеуметтік жетім балалардың көбеюі, өскелең ұрпақтың бұралаң жолға бейім тұруының аста­рын­да, әрине, отба­сы­лық институт құн­дылықтарының әлсі­ре­уі­нен екені белгілі. Баян­дама жасағандар әлеу­мет­тік мәсе­ле­лерді топтас­тыра келіп адамдардың ру­хани дүниесінің жан­дануына назар аударды. Ұлттық дәс­­тү­рімізді санасына құ­йып өспеген ұрпақ түр­лі мәдениет нышандарына еліктеуіш келеді. Міне, осындай сәтті теріс пи­ғылды құрылымдар пайда­ланып кетіп жүргенін айтты. «Бұрын-соңды адамзат тәжірибесінде кездес­пеген, жат ағымдардың белсенді әрекетіне қарай, күрделі мәселемен бетпе-бет келіп отырмыз. Оны шешудің сенімді құрал­да­рынан да бейхабар болған жайымызды жасыруға болмас. Жаһандық қатерге қарсы күресудің тиімді тетіктері де қалыптасып үлгермей жатыр. Дегенмен, мемлекетіміз бағы­тын анықтап, іс-ша­ралар ауқымын көрсетіп берді» деп әкімдіктің дін проб­лемаларын зерттеу орта­лығы деструктивті діни ағымдардан зардап шеккендерге көмек бөлімінің басшысы Лимана Қойшиева ашып берді. Одан кейін сөз алған Оразгүл Асанғазы отбасы құндылықтарының ұлттың нақыштарына тоқ­­­талып, талай ғасырдың сы­­нағынан өткен жас ұр­­пақ тәрбие­сіндегі отба­сының ұйытқысы саналатын әйел-ананың орнын ұлықтау жө­нін­дегі ойын ортаға салды.
«Әзірет Сұлтан» меші­тінің ұстазы Ақбөпе Тіле­генова әйел жамаға­тымен жүргізілетін жұмыстарға тоқталды. – «Соңғы кезде ислам атын жамылып теріс пиғылдарын жүзеге асыруға тырысып жүр­ген­дер қоғамның әлсіз мүше­лерін арбауға тырысатыны анық. Бұл жерде қарын­дас­тарымыздың шырма­луы­на жол бермеуіміз керек. Оның бірден-бір амалы ислам құндылықтарын дәріптеп, қажетті ақпа­рат­тармен қам­тамасыз етіп, кез келген күмәнді қадамға қарсы тұра алатынына се­німді болуымыз керек», – деді.
Іс-шара барысында арнайы ақпараттық фильм көрсетіліп, жат ағымды әшкере ететін нақты фак­тілерге тоқталды. Жиын­ға қатысушылар «қам­дан­ған құр қалмайды» дегендей, алдағы уақытта осы бағыт­тағы өзара бірлескен іс-әрекеттерді нақтылады.

Айгүл УАЙСОВА

Пікір жазу

Почтаңыз жарияланбайды

16 + two =