اگروسەكتورعا ءتيىمدىسى – پايىزسىز كرەديت

0 134

molokozavod

ورتالىق كوممۋنيكاتسيا­لار قىزمەتى الاڭىندا وتكەن بريفينگكە قازاقستاننىڭ ەت-ءسۇت ونىمدەرى وداعىنىڭ توراعاسى يۆان ساۋەر مەن «زەنچەنكو جانە كومپانيا» سەرىكتەستىگىنىڭ باس ديرەكتورى گەننادي زەنچەنكو كەلدى.

جيىندا بەلگىلى بولعانداي، 2013 جىلى ەلىمىزدە ءسۇت ونىمدەرىنىڭ يمپورتتىق ۇلەسى 2012 جىلمەن سالىستىرعاندا ءبىراز وسكەن. قازاقستاننىڭ ەت-ءسۇت ونىمدەرى وداعىنىڭ توراعاسى يۆان ساۋەر ءونىم وندىرىسىندەگى جاعداي قالىپتى ەكەنىن مالىمدەدى. ايتۋىنشا، ۇساق جانە ورتا تاۋارلى ءوندىرىستىڭ باسىم بولىگى ءونىم وڭدەۋ ۇدەرىستەرىنەن اجىراپ قالىپ وتىر. «ەت ءوندىرىسى بويىنشا دا ەلىمىزدەگى جاعداي وسىنداي. بىزدە ەت ەكسپورتىنىڭ الەۋەتىن 60 مىڭ تونناعا دەيىن جەتكىزۋگە مۇمكىندىك بار. وسىعان بايلانىستى باعدارلامانىڭ قايتا قولعا الىنۋى دا سوندىقتان» دەيدى ول.

ال، «زەنچەنكو جانە كومپانيا» سەرىكتەستىگىنىڭ باس ديرەكتورى گەننادي زەنچەنكو اگروونەركاسىپ كەشەنىن دامىتۋ ءۇشىن شارۋالارعا پايىزسىز تاۋارلىق كرەديت بەرۋ قاجەت ەكەنىن العا تارتتى.

ەلىمىزدە پرەزيدەنت باستاماسىمەن شاعىن جانە ورتا بيزنەس وكىلدەرىنە قولداۋ كورسەتىلىپ كەلەدى. قازىرگى تاڭدا نەسيە بەرۋ ماسەلەسى دە قولعا الىنعان. بۇل رەتتە گەنادي زەنچەنكو شارۋالارعا كرەديت ەمەس، پايىزسىز تاۋارلىق كرەديت بەرگەن ءجون دەپ ەسەپتەيدى.

گۇلميرا ايماعانبەت

پىكىر جازۋ

پوچتاڭىز جاريالانبايدى

ten + 11 =