Ädil AHMETOV, akter: RÖLDIÑ ÜLKEN-KIŞISI BOLMAYDI

0 370

30601442f62eb3d9315e1b6fa0de3278

– Reñdi jigitsiz. Boyjetkender telefon şalıp, jïi mazalaytın şığar?

Samal, muğalim

 – Jïi habarlasadı dep ayta almaymın. Anda-sanda nömirin jasırıp, habarlasatındar bolıp qaladı. Köbinese älewmettik jeliler arqılı lebizderin bildirip jatadı.

– Deniñizge sawlıq, eñbegiñizge tabıs tileymin. Akter än ayta da bilw kerek eken. Onıñ üstine sizdiñ dawıs ırğağıñız öte ädemi. Änşi bolwğa qalaysız?

Dïnara

– Köp rahmet! On birinşi sınıp oqıp jürgenimde gïtarada oynawdı üyrendim. Onıñ üstine T.Jürgenov atındağı Öner akademïyasına än aytıp tüskem. Keyin oqw ornında keremet dawısı bar qız-jigitterdi körip, basılıp qalğan bolatınbız. Ärïne, än aytpaytın akter bolmaydı. Spektakl' men kïno körinisteri barısında aytıp turamın. Özime unaytın änderim bar, köñil hoşwaqtanğan sätterde solardı aytıp jüremin. «Äw» demeytin qazaq joq qoy. Biraq änşi bolwdı armandamaymın. Qazaqta «torğay soysa da, qasapşı soysın» degen maqal bar. Men akterligimdi damıtw jolında jumıs isteymin.

– Ädil, «Qara şañıraq» telehïkayasında bastı rölderdiñ birin somdaysız. Öz röliñizdi jaqsı alıp şığıpsız. Onıñ üstine, Aqan Sataevpen jumıs istew ärbir jas akterdiñ armanı ğoy. Bul rölge qalay bekitildiñiz?

Ğazïza, qala turğını

 – Rahmet, Ğazïza! Telehïkayağa, ärïne, kastïng arqılı bekitildim. «Satayfïl'mnen» habarlasıp, birneşe akterdi şaqırttı. Barğan soñ, keyipkerim Däwlettiñ bir-eki syujettik beynesin jasap körsettim. Nätïjesinde osı rölge meni layıq dep tawıptı. Bul telehïkayada ağayındı üş jigittiñ tağdırı bayandaladı. Üydiñ ülkeni Älişer – käsipker, ortanşısı Däwlet – sportşı, kenjesi Mädï awılda turadı. Özindik jolı, maqsatı bar ağayındı üşewdiñ tağdırı qasïetti qara şañıraqta tabısadı. Twındıdan ärbir qazaq özin köredi dep oylaymın. Onda qazirgi jağdaylar, qïındıqtar, satqındıq, ata-ananı sıylamaw, sonday-aq, bügingi nesïe, kazïno sındı mäseleler bar. Oğan qosa, twıp-ösken qara şañıraqtı qasterlew, ağayın arasındağı tatwlıqtı damıtw, otbasılıq qundılıqtardı saqtaw – osınıñ bärin fïl'mnen körwge boladı.

– Äşirbek Sığay: «Änşi-akterdiñ deni toyda jür. Masañ ortada jıltıñdap jürgen ärtis sahnada da sürinedi. Bizde toy jağalamay, özin-özi saqtaytın jigitter az… Ädil Ahmetov – sol azdıñ ökili» dep bağa bergen eken. Siz şınımen toy basqarwğa barmaysız ba?

 Perïzat

 – Astanağa kelgen jıldarı jataqhanada turdıq. Sol kezde toyğa şıqqan kezimiz boldı. Qazir barlıq toylarğa emes, koncerttik bağdarlama retinde ötetin ülken şaralarğa jürgizwşi retinde barıp turamın. Bir jağınan toyğa şığatın akterlerdi de tüsinwge boladı. Barlığı künköristiñ qamı ğoy.

– Sizdi endi qanday kïnodan köremiz?

Nurgül, stwdent

– Rejïscer Aqan Sataevtıñ «Reketïr» fïl'miniñ ekinşi bölimi tüsirilip jatır. Sol kïnonıñ bir epïzodında aqtöbelik Mïko degen bandïttiñ rölin somdaymın. Bul şağın röl eken dep bas tartqan joqpın. «Röldiñ ülken-kişisi bolmaydı» degendey, är keyipkerdiñ belgili bir bereri boladı. Ärqaysısınıñ jawapkerşiligi bar.

Önerge janın bergen, tarïhta atı qalatın nağız akterdiñ bolmısı, ömir saltı qanday bolwı kerek, sizdiñşe?

Rahat, medbïke

– Basqa isiniñ bärin tastap, tek önerge berilip ketetinder boladı. Bul – sïrek kezdesetin jayt. Ärbir adam januyasın birinşi orınğa qoyatın şığar. Odan keyin – öner. Bir närsege qattı berilwdiñ özi durıs emes qoy. Biraq, ärïne, ustanımım – bir käsiptiñ uñğıl-şuñğılına deyin ïgerwge tırısw. Akterligimdi damıtw jolında jumıs isteymin. Sol üşin izdenwden talmaymın.

– Ädil, siz  «aqımaq» keziñizde üylenip aldıñız. Ol kezde sizdi eşkim tanımaytın. Al, qazir köpşilikke tanımalsız. Jan-jağıñızdan qawmalap jürgen qız-qırqınğa qarap, erte üylengeniñizge ökinbeysiz be?

Janar, stwdent

– Ökinbeymin. 24 jasımda T.Jürgenov atındağı Öner akademïyasın bitirgen soñ, eki jıldan keyin üylendim. Joldasım ekewmiz bir oqw ornında oqıdıq. Meniñ oljam – öziñiz aytqanday, eşkim tanımaytın kezimde otaw qurğanım. Kerisinşe, sol «aqımaq» kezimde üylenip alğanıma qwanamın. Joldasım ekewmizde eşqanday esep bolğan joq. Jäy ğana stwdent Ädilge ğaşıq qızğa üylendim. Qudayğa şükir, sodan beri birge kele jatırmız.

– Ädil, qazirgi kezde bizdiñ qoğamda nesïesi joq adam kemde-kem. Siz bankke qarız emessiz be?

Dana, bank qızmetkeri

– Däl qazir qarız emespin. Osı jazda nesïege tehnïkalıq qural-jabdıq alıp, artınan qarızdı qaytardıq.

– Sahnada turıp, oqıs oqïğağa tap bolğan keziñiz boldı ma?

Tïmwr

– Qızıqtı oqïğalar köp bolıp jatadı. Birde Astananıñ mañındağı «Köktal» ıqşam awdanına bardıq. Sol jerdiñ mädenïet üyinde «Dïlyafrwzdıñ tört küyewi» spektaklin qoyıp jatqanbız. Däl ortasına kelgende jarıq öşip qaldı. Komedïya öte qızw, jaqsı ötip jattı. Sonıñ äseri şığar, barlıq körermen uyalı telefondarınıñ fonarïkterin qosıp, sahnağa jarıq tüsirip otırdı.  Onıñ üstine sol küni dalada jañbır quyıp turdı. Jañbırdıñ da dawısı işke estilip turdı. Däl sol kezde spektakl'degi toğaydıñ işin körsetetin jerine kelgen bolatınbız. Eşteñege qaramastan, birewimiz qolşatır, kelesimiz fonarïk alıp şığıp qoyılımdı äri qaray jalğastırıp kettik. Sahnada osınday neşe türli kütpegen oqïğalar orın alıp jatadı.

– Birneşe fïl'mde bastı rölderdi oynaysız. Bul üşin qarajat töleysiz be?

Dämetken

– O ne degeniñiz?!(Külip). Men de barlıq ümitkerler sekildi arnayı sınaqtan ötip, rejïsserlerdiñ şeşimi boyınşa ğana rölge bekitilemin. Kerisinşe, kïnoğa tüskenimiz üşin olar bizge töleydi.

Pikir jazw

Poçtañız jarïyalanbaydı