ABIROY ASWLARI

0 120

1336005003-922Adam tarïhtı jasaydı, al tarïh adamdı sınaydı. Al sınaqtı kötergendi eli de qurmetteydi, jurtı da jaqtaydı. Qudayğa şükir, qazaqta osınday san qatparlı sınaqtan sürinbey ötip, köpşiliktiñ köñilinen şığıp jürgen jaysañ jandar jeterlik. Sonday eline elewli, halqına qalawlı azamattıñ biregeyi Ädilbek Jaqsıbekov der edim.

Ädilbek Jaqsıbekov elimizdiñ täwelsizdik alıp, derbes mem­le­ketimiz qurıla bastağan qïın tu­sında jaña ekonomïkalıq qatı­nastı ïgerwge batıl kirisken sanawlı käsipkerlerdiñ qatarınan. Mäskewdegi Bükilodaqtıq mem­le­kettik kïnematografïya ïns­tï­twtınıñ ekonomïka fakwl'tetin bitirdi. Alayda, jaña zamannıñ talabın tez uğındı ma eken, 1987 jılı Plehanov atındağı halıq şarwaşılığı ïnstïtwtınıñ qayta dayarlawınan ötti. Qat-qabat şarwağa bel şeşe kirisip ketken jas käsipker tañdağan mamandığına qaray ğılımï jumıspen de aynalısıp, nätïjesinde ekonomïka ğı­lımdarınıñ kandïdatı atandı. 1988-1995 jıldar aralığında «Cesna» köp salalı kor­poracïyasın basqarıp, otan­dıq öndiristi uyımdastırwdıñ önegesin körsete bildi. Korporacïya quramındağı käsiporındardıñ türli önimderi men körsetken qızmeti tutınwşınıñ ïgiligine aynala berdi. Berekeli iske bas bo­lıp jürgen azamattı Aqmola tur­ğındarı 1995 jılı Qazaqstan Respwblïkasınıñ Parlament Senatına depwtat etip sayladı. Elimiz endi egemendigin alğan, alayda, Keñes odağı kezindegi älewmettik-ekonomïkalıq jağday quldırap tüsken tusta künköristiñ jaña täsilin ïgerwge, yağnï bïznes jürgizw arqılı otandıq ekonomïkanı damıtwğa qalay üles qoswdıñ jolın tapqan Jaqsıbekovtiñ jiger-qayratı elenbey qalwı mümkin emes edi. Buğan qosa Parlament qa­bırğasındağı belsendi pozïcïyası da ayqın bayqala bas­tadı. Köp uzamay-aq naqtılap aytqanda 1996 jılı Aqmola oblısı äkiminiñ birinşi orınbasarı qızmetine tağayındaladı. Bul Qazaqstan Respwblïkasınıñ Prezïdenti Nursultan Nazarbaevtıñ el astanasın Almatıdan Aqmolağa köşirw bastamasın köterwimen tuspa-tus kelgen kezeñ bolatın. Elbasımızdıñ osı bir tarïhï ïdeyası köp uzamay jüzege astı, aqïqatqa aynaldı. Mine, däl osı tusta jaña eloradağa asa jawaptı, asa isker basşı kerek bolğanı sözsiz edi. Qay isti bolsın asqan köregendilikpen, tereñ talğampazdıqpen şeşetin Nursultan Äbişulınıñ osı jolğı tañdawı Jaqsıbekovke tüsti. Söytip 1997 jıldıñ 10 jeltoqsanında Ädilbek Rıskel­diulı Jaqsıbekov Memleket bas­şısınıñ Jarlığımen jaña as­tanamızdıñ äkimi bolıp tağayın­daldı. Eldikti köksegen er azamat üşin budan artıq jawapkerşilik bolwı mümkin be?! Osı orayda, kezinde qala äkiminiñ baspasöz hatşısı bolğan, tanımal pwblïcïst Sädibek Tügeldiñ mına bir esteligin keltirgendi jön sanadım: «Elbasımız Nursultan Nazarbaevtıñ kadr sayasatındağı ülken jetistikteriniñ biri – Aqmola qalasına Ädilbek Jaqsıbekovti äkim etip tağayındawı edi. Bul – bir meniñ ğana pikirim emes, Arqa öñi­rindegi ağayınnıñ awzında jür­gen äñgime. Jaña astanamen bir­ge jasasıp kele jatqan jurt­şı­lıqtıñ közben körip, oyğa tüygen şınayı şındığınıñ özi osı bolarına eş kümän keltire almay­sıñ! Şıntwaytında, Ädilbek Rıskel­diulınıñ qala basşılığına tağa­yın­dalwımen bas şaharğa sonı özgeris, jaña lep kelgendey boldı. Eñ bastı erekşeligi – Elbası tapsırmaların mültiksiz orındap, senimnen şığa bilwinde jatsa kerek qoy. Ärdayım izdenis üstinde jüretin Ädekeñ – jılt etken ja­ñalıqqa janı qumar. Müldem jañaşa oylaytın urpaqtıñ ökili. Twğan qalasınıñ oy-şuqırın bes sawsaqtay jatqa bilip, sonı jumıs barısında durıs paydalana biletindigin san märte däleldegen azamat» dep ağınan jarıladı äriptes ağamız.

ÖMİRDEREK

1954 jılı 26 şildede Qostanay oblısı Qarabalıq awdanınıñ Börili awılında twğan.

1977 jılı Bükilodaqtıq memlekettik kïnematografïya ïnstïtwtınıñ (Mäskew qalası) ekonomïka fakwl'tetin bitirgen, 1987 jılı Plehanov atındağı Mäskew halıq şarwaşılığı ïns­tïtwtında materïaldıq-tehnïkalıq jabdıqtawdı uyım­dastırwşı mamandığı boyınşa qayta dayarlawdan ötti.
Ekonomïka ğılımdarınıñ kandïdatı.
Qazaq KSR Memkïno jäne Mem­jabdıqtaw jüyesinde jumıs istedi, birqatar käsiporındardı basqarğan.

1988-1995 jıldarı «Cesna» köp salalı korporacïyasın basqardı.

1995 jılı Qazaqstan Respwblïkası Parlamenti Senatınıñ depwtatı bolıp saylandı.

1996 jılı Aqmola oblısı äkiminiñ birinşi orınbasarı bolıp tağayındaladı.

1997-2003 jıldarı – Astana qalasınıñ äkimi.

2003-2004 jıldarı – Qazaqstan Respwblïkasınıñ Ïndwstrïya jäne sawda mïnïstri.

2004-2008 jıldarı – Qazaqstan Respwblïkası Prezïdenti Äkim­şi­liginiñ basşısı.

2008 jılğı qañtar – qazan aralığında – «Nur Otan» ha­lıq­tıq-demokratïyalıq partïyası tör­ağasınıñ birinşi orınbasarı – QR Prezïdentiniñ keñesşisi.

2008-2009 jıldarı Resey Federacïyasındağı Qazaqstan Res­pwblïkasınıñ Tötenşe jäne Öki­letti Elşisi boldı.

2009-2014 jıldar aralığında – Qazaqstan Respwblïkasınıñ Qorğanıs mïnïstri.

2014 jılğı 3 säwirde Memleket basşısınıñ Jarlığımen Qazaqstan Respwblïkasınıñ Memlekettik hatşısı bolıp tağayındaldı.

QR Fwtbol Federacïyasınıñ Pre­zïdenti. 2008 jılı Astana qala­sındağı «Döñgelek alañ» arhïtek­twralıq keşeni üşin Qazaqstan Respwblïkası Mem­lekettik sıy­lığınıñ lawreatı atandı.

«Qazaqstan Respwblïkasınıñ Tuñğış Prezïdenti Nursultan Nazarbaev», II jäne III därejeli «Barıs», III därejeli «knyaz' YAroslav Mwdrıy» (Wkraïna) ordenderimen jäne medal'darmen nagradtalğan. «Zajeç' zvezdw-stolïcw», «Tak naçïnalas' Astana. Zapïskï pervogo akïma stolïcı» kitaptarınıñ avtorı.

Ädilbek Jaqsıbekov äkim bolğan kezdegi kwä bolğan mına bir oqïğa da oyımızda äli jañğırıp turğanday. Astana qalasınıñ alğaşqı tusaw­­keserine oray ötkizilgen bas­pasöz mäslïhatına qatısqan şeteldik jwrnalïstiñ biri oğan «Qazaq­stannıñ jaña elordası Astana qalasında awızswdıñ sapası naşar degen söz ras pa?» degen suraq qoydı. Sonda Ädilbek Rıs­keldiulı «Sizdiñ bul sözdi qaydan estigeniñizdi bilmeymin, biraq men üşin osı qalanıñ swı – eñ tätti sw…» dep jawap berdi. … Biz bolsaq «Twğan eldiñ, twğan jerdiñ patrïotı degen osınday bolar» desip, marqayıp qaldıq. Şınımen solay emes pe?! Astananıñ tuñğış äkimine qatıstı munday jaylardı däyektep tügendey bersek, uzın-sonar äñgimege jalğasa bermek. Olay deytinimiz «Astana qalasınıñ qurmetti azamatı» atağın alğaşqılardıñ biri bolıp ïelengen atpal azamattıñ qarımdı da qayırımdı isteri jayında äli künge deyin el awzında jılı lebizder aytıladı.

Elordamızdıñ alğaşqı qazı­ğın qadawğa qatısıp, Astana qala­sınıñ negizin qalawşı Elbasımız Nursultan Nazarbaevtıñ jaña qalanı salwdağı ïdeyaların jüzege asırwğa qomaqtı üles qosqan Ädilbek Jaqsıbekov 2003 jılı mawsım ayında QR Ïndwstrïya jäne sawda mïnïstri qızmetine awıstı. Odan keyin Prezïdent Äkimşiligine jetekşilik etti.

Memleket basşısı jüktegen qay jumıstı bolsın muqïyat orınday biletin Ä.Jaqsıbekov basqa da mem­lekettik mañızdı joğarı lawazımdı qızmetterdi atqardı. Bügingi tañda Qazaqstan Respwblï­ka­sınıñ Memlekettik hatşısı qızmetin abıroymen atqarıp jürgen Ädilbek Rıskeldiulı Jaq­sı­bekov asqaralı jastı bağın­dırıp, kemel şağına kelip otır.

El müddesi üşin ayanbaytın aza­mattıñ eñbegi elenip, jurtı­nıñ qurmetine bölenip jatsa, kimge bolsın, budan asqan abıroy bola ma?! Osı orayda, bizdiñ oyımızşa qazaq eliniñ jaña Astanasınıñ tuñğış äkimi bolğan Ädilbek Jaqsıbekov nağız abıroyı asqaqtağan azamat. Asqaqtay beriñiz!

Ğalım QOJABEKOV

Pikir jazw

Poçtañız jarïyalanbaydı

4 × three =